گۆڤارا مەتین گۆڤارا مەتین
بەرهەڤکرن: مەتین
خولا ئێكێ :
بهلاڤۆك يان كۆڤارا مهتین، ل سالێن حهفتییان ل شۆڕەشا ئهیلولێ دهركهفت بوو، بهلێ مخابن ههتا نوكه چو هژمارێن وێ، كو دبيته خولا ئێكێ نههاتینه دیتن.
خولا دويێ:
ل بارهگاێی لقێ ئێك ل كۆماتەى ل شۆڕەشا گولانێ دهركهفتییه، هژمارا (1)ێ ل نیسانا سالا 1981ێ ب زمانێ عهرهبى دهركهفتییه.
سهرپهرشتێن وێ یێن سهرهكى ل دهستپێكێ، عهبدولسهلام بهروارى و دكتۆر رزگار زاخۆیى و صهبری بامهڕنى بووینه. ههورهسا د. غازى بامهڕنى، طهیار سهلیم گهرماڤى، سهید جهلال تروانشى، خالد محهمهد دهركارى، نێچیرڤان ئهحمهد (هونهركارى و نهخشهسازى)، محهمهد ئهمین مایى (مام دژوار)، ناجى بامهڕنى، حهمید نسرى (خۆشنڤیس)، بۆ ماوهیهكێ درێژ جهعفهر مایى و ئهسعهد گوههرزى ژى كار لێ كرییه. ژ پێشمهرگهیێن تێدا دنڤێسى: عهبدولسلام بهروارى، د. رزگار زاخۆیى، د. جهرجیس حهسهن، حهبیب كهلهش، عهبدولعهزیز تهیب و عیماد عهجیل مزورى و ئهدیب چهلكى و گهلهكێن دی.
بابهتێن كۆڤارێ؛ ب ئامیرێ چاپێ (الطابعة) ژ لایێ شههید صهبری بامهڕنى، حسێن كهلهش و محهمهد حاجى ڤه دهاتنه تایپ كرن.
هژمارا دويماهیێ یا ڤێ خولێ، كو هژمارا (72) ل سالا 1988ێ بوو. پويته ب چالاكیێن پێشمەرگەی ددا و ل پترییا دەڤەرێن پێشمەرگە لێ بهڵاڤ دبوو.
خولا سیێ:
ب زمانێن كوردی و عەرەبی دەست ب بەلاڤكرنێ كر. هژمارا (1) ل چریا دويێ 1991ێ دەركەفت، هژمارا (132) یا دويماهیێ ل هاڤینا 2003ێ دەركەفتییە.
دهستهكا نڤێسینا كۆڤارێ، ل بارهگایێ لقێ ئێكێ پارتى ل زاویته هاته دهستنیشانكرن، ل دهستپێكێ هێژا د. رزگار زاخۆیى سهرنڤیسهرێ وێ بوو، دهستهكا نڤێسینێ ژ (عهبدولكهریم فندى، ئهنوهر محهمهد تاهر، رهشید فندى و رهمهزان عیسا)ى پێك دهات. پشتى دهرچوونا یاسایا چاپهمهنییان ژ پهرلهمانێ كوردستانێ، نهجمهدین یووسڤى وهكى خودانێ ئمتیازێ هاته دهستنیشانكرن، ههروهسا حهمید سوورى، وهكى سهرنڤێسهر دهست بكار بوو. دیار محهمهدسهعید دۆسكى سكرتێرێ پشكا كوردى و مهعصووم مایى، سكرتێرێ پشكا عهرهبى هاتن دانان. پاشى ل سالێن 1997- 1998ێ، فههیم عهبدوڵڵا حهمۆ بوو سهرنڤیسهر و دیار محهمهد سهعید دۆسكى بوو سكرتێرێ نڤێسینێ.
ل سالا 2000ێ؛ حهتا هژمار 132، دیار محهمهد سهعید دۆسكى بوو سهرنڤیسهر و دكتۆر فاضل عومهر بوو سكرتێرێ نڤێسینێ.
خولا چارێ:
ژ هژمار (133) وهكى تهمامكهرا خولا بهرێ دهستپێكر، ل ههیڤا 7 يا سالا 2005ێ دهست ب وهشانێ كر، هژمارا دويماهیێ (232)ێ ل سالا 2015ێ دهركهفتييه.
ستافێ كۆڤارێ يێ وێ خولێ ب ڤى رهنگى بوویه: ئهنوهر محهمهد تاهر؛ خودانێ ئمتيازێ بوو، محسن قۆچان سهرنڤیسهر بوو. دهستهكا نڤێسینێ ژى: د. باڤێ نازێ، د. صهلاح هرۆرى، هزرڤان، د. ئهرشهد حیتۆ، ئامینا زكرى و د. نهعمهتوللا نهێلى بوون.
ئهڤ پێزانينه؛ ژ پهرتووكا (رۆژنامهڤانى ل دهڤهرا بههدينان) يا وصفى حهسهن، چاپا دويێ، دهۆك- 2012ێ ب دهستكاريڤه هاتينه وهرگرتن.
