گۆڤارا مەتین گۆڤارەکا ڕەوشەنبیری یا گشتی-هەیڤانەیە
بەرهەڤکرن: مەتین
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
دانا ئادامس شمیدت Dana Adams Schmidt رۆژنامەڤانەکێ ئەمریکیێ ناڤدارە، ل ناڤەڕاستا سەدەیێ بیستێ بۆ رۆژنامەیا نیۆیۆرک تایمز وەکوو نووچەگهانێ باکورێ ئەفریکا و رۆژهەلاتا ناڤین کار کرییە. شمیدت ب راپۆرت و لیکۆلینێن خۆ رۆژنامەڤانی ل دۆر رۆژهەلاتا ناڤین و ئاسیا یێ ناڤدارە، کو چەند رویدانێن گرنگ روومالکرینە.
ل سالا 1938ێ، وى ئه‌مریكا بجهـ هێلا، خوا‌ندنا خۆ ل ئە‌ورۆپا و ئه‌مریكا ته‌مام كر. بۆ جارا ئێكێ ل سالا 1940ێ هاته رۆژهه‌لاتا ناڤین.
ل سالا 1963ێ، خه‌لاتێ (نووچه‌گه‌هانێ گه‌له‌ك باش يێ خودان جه‌ساره‌ت و ئاماده‌بوويى ل جهێ بوویه‌رێ) وه‌رگرت.
ناڤه‌ندا كارێ وی ل به‌یرووتێ بوو ژ وێرێ چاڤدێریيا نووچه‌یێن گه‌له‌ك شه‌رێن ل رۆژهه‌لاتا ناڤین دكر، وه‌كو شه‌رێ كوردان ل باشوورێ كوردستانێ، كو د ڤی واری ده پەرتووكا (گه‌شته‌ك ژ بۆ مێرخاسێن ل كوردستانێ Journey Among Brave Men) نڤیسی. د ڤێ پرتووكێ دا به‌حسا نامه‌یه‌كا گازندان ژ بارزانیێ نەمر گه‌هشتیێ، كو (شه‌رێ كوردان به‌رده‌وامە لێ راگه‌هاندنا نووچه‌یان لاوازە).
ژ به‌ر رێز و حه‌زكرنا دانا ئادامس سمێدت ژ بۆ بارزانیێ نه‌مر، گه‌شته‌ك ژ بۆ هه‌رێما كوردستانێ كر و دو هه‌ڤپه‌یڤینێن گرنگ ب بارزانيێ نه‌مر ڕا كرن، كو د ڤێ پرتووكێ ده هاتينه وه‌شاندن. په‌رتووكا ناڤبرى ژ لايێ جرجيس فتح الله ڤه بۆ سەر زمانێ عه‌ره‌بي هاتييه وه‌رگێڕان، هه‌روه‌سا بۆ زمانێ كوردى ژى ژ لايێ ئه‌بوبه‌كر ساڵح ئيسماعيل ڤه چاپبوويه.
