فەردیناند هێنەربیخلەر Ferdinand Hennerbichler : ژ دایکبوویێ ٦ی نۆڤەمبەرا ١٩٤٦ ل لینز، نەمسا – دیرۆکنیس.

هێنەربیخلەر زمانزان، مرۆڤناس و ئێک ژ ڤەکۆلەرێن دیار یێن بوارێ کوردناسیێ Kurdology یە. وی خواندنا خۆ یا زانکۆیێ د بیاڤێن دیرۆک، زمانناسی، فەلسەفە و شوینوارناسیێ ل زانکۆیا ڤیەنا University of Vienna ب دوماهی ئینا و ل سالا ١٩٧٢ێ دکتۆرا وەرگرت.

هێنەربیخلەر هەر ژ سالێن حەفتێیان، ڤەکۆلینێن بەرفرەهـ ل سەر دیرۆک، زمان و کولتۆرێ کوردان ئەنجام داینە و هەژمارەکا پەرتۆۆکان ل سەر کوردان نڤیسینە  و پتر ژ ٥٠٠ گوتار و ڤەکۆلینێن زانستی بەلاڤکرینە. هەر وەسا ئەو ئێک ژ دامەزرێنەرێن سەنتەرێ ئەورۆپی بۆ خواندنێن کوردی European Center for Kurdish Studies یە و ئەزموونا مامۆستایەتیێ ل زانکۆیا سلێمانیێ ل هەرێما کوردستانا عێراقێ ژی هەبوویە. چالاکییێن وی ژ بیاڤنێ دیرۆک و مرۆڤناسیێ تێپەڕ بووینە و بزاڤێن وی د دانوستاندنێن ئاشتیێ و ئەرکێن مرۆڤایەتی ژی دا هەبووینە.

ئێک ژ پەرتووکێن وێ یێن ناڤدار، ل ژێر ناڤی نژادی کوردان The Origin of the Kurds نە کو بۆ جارا ئێکێ سالا ٢٠١٠ێ چاپبوویە. ئەڤ پەرتووکە ژ جۆرێ )ڤەکۆلینێن هەڤپشک Interdisciplinary)-ە، ل سەر ڕەهـ و ڕیشال و پێش دیرۆکا گەلێ کورد.  د ڤی پەرتووکێ دا، فەردیناند هێنەربیخلەر بزاڤێ دکەت نیشا بدەت کو کورد ژ کۆمێن ڕەسەن یێن «باکورێ کڤانێ ب پیت Northern Fertile Crescent «ل رۆژهەلاتا نێزیک پەیدا بووینە و پاشان ب درێژاهیا دیرۆکێ کەفتینە بەر کاریگەریا کۆچبەری و گوهۆرینێن زمانەڤانی. ئەڤ بەرهەمە ڤەکۆلینێن دیرۆکی، زمانناسی و هەتا داتایێن جینەتیکی Genetics ژی ل خۆ دگریت دا کو پێشینەیا کوردان ژ سەردەمێن کەڤنار هەتا شێوەگرتنا ناسنامەیا مۆدێرن لێک بدەت. ئەڤ پەرتووکە، ئێکە ژ ئێکەم بەرهەمێن زانستی یێن تێکهەل کو زمانناسی، مرۆڤناسی و دیرۆکێ دکەتە ئێک بۆ دیارکرنا ڕەگەزێ کوردان. ب رێکا ڤەکۆلینا ل سەر ژێدەرێن دیرۆکی، بزاڤێ دکەت ناسنامەیا کەڤنار یا کوردان د دەڤەرا رۆژهەلاتا نێزیک دا ڕۆهن بکەت.