میر بەصری

بەرهەڤکرن: ئەزهار بامەڕنی

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.

میر بەصری نڤیسەرەكێ كەڤن یێ عیراقی یە. ل ساڵا 1911ێ ل بەغدا ژ دایكبوویە. دەرچوویێ زانكۆیا بەغدایە د بیاڤێ ئابووری دا. ل ساڵا 1974ێ قەستا ژ دەرڤەی وەڵاتی كرییە. د ژیێ 95 ساڵیێ دا، ل ساڵا 2006 ل لەندەنێ وەغەرا دویماهیێ كرییە. كۆمەكا مەزن یا پەرتووكان داینە چاپكرن، وەكو: الحریة – 1928. مباحث في الاقتصاد العراقي – 1948. أعلام الیقظة في الفكرية العراق الحديث – 1983. اعلام السياسة في العراق  الحديث – 1987 ب دو بەرگان. هەروەسا گەلەك پەرتووكێن دیتر، كو ب وان پەرتووكان و قەلەمێ خۆ؛ خزمەتا هەمی نەتەوەیێن عیراقی دكر.

میر بەصری ئێك بوویە ژ دۆستێن كوردان، د سالێن پێنجییان دا تێكەلی ل گەل تۆفیق وەهبی، جەمال بابان و كەمال عەلی عەبدولرەحمان هەبوون. ب رێیا هەڤالێن خۆ و خواندن و رەوشەنبیرییا خۆ؛ پێزانینێن باش ل دۆر كەسایەتی و دیرۆكا كوردان هەبووینە.

پەرتووكەک ل دۆر كوردان ب ناڤێ (أعلام الكرد) ل ساڵا 1991ێ ل لەندەن چاپكر. د پیشگۆتنا وێ دا ل دۆر كوردان دبێژیت: «گەلێ كورد ژ مللەتێن مایی و كێمە ئەوێن كو هەتا نوكە نە شیاینە هیڤی یێن خۆ یین نەتەوەیی د چەرخێ نوی دا بدەستڤە بینن، ڤی مللەتی گەلەك سەرۆك و ئەدیب و سەركردە و هۆزانڤان ژێ ڕابووینە و كارێ وان د مێژوویێ و هزرا مرۆڤایەتیێ دا ل بەرچاڤە».