بابەت

ئا‌لبێرت سۆسين Albert Socin

بەرهەڤکرن: مەتین

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.

ئا‌لبێرت سۆسين  Albert Socin ڤه‌كۆله‌ر و رۆژهه‌لاتناسێ سويسرى. ل رۆژا 13 چريا ئێكێ 1844ێ ل باژێڕێ بازل ژ دايك بوويه‌.

بسپۆر بوو د زاراڤێن كوردى و ئارامى و عه‌ره‌بى دا، مامۆستايێ زانكۆيێن ئه‌لمانيا و سويسرا بوو. قووناغێن خواندنا خۆ ته‌مام كرينه‌ و ژ زانكۆيا بازل ده‌رچوويه‌. گه‌له‌ك به‌رهه‌م نڤيسينه‌ و كار ل چه‌ندين بياڤێن زانستى و ئه‌كاديمى كرييه‌.

ل سالا ١٨٨٧ێ ل باژێرێ سانت پيته‌رسبۆرگ و ب هه‌ڤكارى ل گه‌ل هه‌ڤالێ خۆ ئويگێن پريم  Eugen prym په‌رتووكه‌ك ب ناڤێ (كۆمه‌كا چيرۆك و سترانێن كوردى-  ب زارێ تۆر عابدين و بۆتان) به‌لاڤكر. ڤان سالێن دووماهييێ، سه‌عيد دێره‌شى ئه‌ڤ په‌رتووكه‌ ب ناڤێ (ڤێكخستۆكێت كوردى – چيرۆك و ستران) ڤه‌كولين و سه‌راستكرن ل سه‌ر كرييه‌ و به‌رهه‌ڤكرييه‌ بۆ چاپێ. ژ لايێ وه‌زاره‌تا ره‌وشه‌نبيرى يا حكومه‌تا هه‌رێما كوردستانێ ڤه‌ هاتييه‌ چاپكرن.

سۆسين ل رۆژا 24 خزيرانا ١٨٩٩ێ وه‌غه‌را دووماهيێ كرييه‌.

ڤان بابەتان ببینە

فرێدریک بارت (١٩٢٨ – ٢٠١٦) مرۆڤناسەکێ نەرویجی یێ دیار بوو. د سەدەیێ بیستێ دا، ئێک …