گۆڤارا مەتین گۆڤارا مەتین
بەرهەڤکرن: مەتین
كاپالا بهاتى جۆرهكێ ههناسهدانێ يه، كو كارتێكرنێ ل ژناڤبرنا سترێس و پاقژكرنا هزرێ ژ ههستێن نهخۆش و نهرێنى دكهت.
ژ بۆ ئهنجامدانا ڤێ ڕاهێنانێ، پێدڤيیه ڤان خالان بزانين:
– بهرى ئهنجامدانا ڤێ ڕاهێنانێ، دفنا خۆ پاقژ بكه و باش بشۆ. ههناسێ ب ڕێكا دفنێ ئهنجام بدە، ئهگهر تشتهك ما بيته د دفنا ته دا دێ دهركهڤيت و پاقژ بيت.
– بزاڤێ بكە ل دهمێ ههناسێ، دهنگێ بايێ ههناسهدانێ ژ دفنێ بهێت.
– ئهڤ جورێ ههناسهدانێ، دبيته ئهگهرێ چالاككرنا زڤڕۆكا خوينێ و نههێلانا سترێسێ و كۆمكرنا ڕێژهيهكا باش يا ئۆكسيجنى د ناڤ لهشى دا.
– دڤێت كريارا ههلكێشانا ههناسێ، هێدى بهێته ئهنجامدان، بهلێ بەردانا هەناسێ دڤێت یا ب هێز و لهز بیت.
– ئهگهر ته ئاريشەیا بلندبوونا فشارا خوينێ ههبيت يان برينهك ل زكێ ته ههبیت ژ بهر ههر ئهگهرهكێ دى، ڤى جورێ ههناسهدانێ بنەکە.
– ئهنجام دانا ڤێ راهێنانێ ل دهمێ دوگيانيێ يان ئێشانا دلى و رهقبوونا ماسولكان ب هيچ شێوهيهكى نابيت بهێتهكرن.
– بهرى نڤستنێ ڤێ راهێنانێ نهكه.
– ل دهمێ دهردانا ههناسێ فشارێ ل دفنا خۆ نهكه، چونكى رەنگە تویشی خوين بهربوونێ ببی.
دێ چهوا ڤێ راهێنانێ ئهنجام دهى؟
– ل جههكێ ئارام و بێدهنگ، ل سهر ئهردى بڕوينن.
– ب چار مێرکانی روینە ، كو بهرێ بنێ پێ ته ل سهرى بيت.
– ستوينا بڕبڕا پشتێ بلا يا ڕاست بيت و ستۆيێ خۆ ژى خوار نهكه.
– چاڤێن خۆ بنقینە و ههناسهدانهكا ئارام بكه، حهتا سيهێن ته تژى ههوا دبن، پاشى ب هێز و لهز ههمى ههواى ژ سيهێن خۆ دهربێخه.
– ڤێ ڕاهێنانێ سێ جاران ئهنجام بده، کوههر جارهك ژ يازده ههناسهدانا پێك بهێت.
– چهند پتر بهردهوامیێ ب ڤێ ههناسهدانێ بدهى، دێ پتر مفاى ژێ بينى.
