چەكێ هارپ HAARP

شەعبان ئەحمەد

چەكێ (هارپ) دهێته هژمارتن ژ مەزنترين پرۆژەیێن زانستى ل جيهانێ و  ژ لايێ لەشكەرى ڤه نەژادێ شەڕی ڤەگوهاستییه بۆ نەژادێ پێنجێ.

پرۆژەىێ هارپ ژ پرۆژەیێن تيشكا شين Blue Beam Project  و دبيته چەكەكێ كاريگەر و ئەمريكا بزاڤێ دکەت  بۆ بەرهەمئينانا وی  و پێشئێخستنا وی و ئارمانج ژ ڤێ چەندێ زالبوونە ل سەر جيهانێ ب رێكا تەکنۆلۆجیا  یا ئەلكترۆنى ل تەخێن ئاسمانى.

ل سالا 1993ێ كار د پرۆژێ هارپ دا هاتيیەكرن. پەیڤا (هارپ HAARP) دبيته كورتيیا پيتێن (High-Frequency Active Auroral Research Program).

بەراهی:

ئەڤ پرۆژە ژ نڤێسينگەها زانايێ مەزن (نیکۆڵا تێسلا Nikola Tesla) پشتى مرنا وى هاتيیه دزين و گەلەك زانا و ڤەكۆلەر و رۆناكبيران د دروستكرنا ڤی چەكى دا كاركريیه، ژ بەر كو ب كارئينانا ڤی جۆره چەكى يێ دو سەره  هەر وەكى كارئينانا چەكى ئەتۆمی دهێته بكارئينان د بوارێن تەناهيێ و شەڕی دا .

ئەڤ پرۆژە پێكهاتيیه ژ بەرنامێ ڤەکۆلينێن لەشكەرێ ئەمريكى يێ هەڤپشك د ناڤبەرا هێزا ئاسمانى يا و هێزا دەريايى ل گەل زانكۆيا ويلايەتا ئەلاسكا و دەزگەهێ (داريا) ژ بۆ پێشئێخستنا ڤی چەكى ژ لايێ كومپانيا (Baeat systems) يا تەکنۆلۆجیا پێشكەفتى.

دروستكرنا چەكى هارپ بوويه جهێ دل نەرحەتيیا گەلەك وەلاتێن هەرێمى و جيهانى ژ بەر كارئينانا ڤی جۆره چەكى دێ دەست كاريێ د ئەيوناتێن هەيين د تەخا (ئەينوسفير) دا ل ئاسمانى كەتن و كارتێكرنێ لى دكەن، ئەڤ چەنده ژى دێ بيته جهێ كارتێكرنێ ل سەر سەقايى. پرۆژێ هارپ ژ مەزنترين و گرنگترين چەكێ كوم كوژ ل سەرانسەرى جيهانێ دهێتە هژمارتن و د رۆبەرێ ئاسمانى دا ل هنداڤى عەردى دهێتە بكارئينان.

چەكێ هارپ ل سەر ئاستێ جيهانى ژ بهێزترين چەكانە و ب رێكا ڤی چەكى كارتێكرن ل سەر قەبارێ ئاسمانى هنداڤى عەردى (قەبارێ ئەيونى) دهێتە كرن و تەرەدودێن ژ بۆ زێدەكرنا گەرماتيێ ل هەر دەڤەرەكا بيته دەستنيشانكرن ل سەرانسەرى جيهانێ بۆ ئارمانجكرنێ دهێنە هنارتن.

چەوانیيا كاركرنا چەكێ هارپ

چەكێ هارپ ب سيستەمەكێ ئاڤاكرى ل سەر شەنگستێ لێگەڕیانا ئەيۆنوسفيرى ئەڤا ل سەر پێلێن تەرەدوداتين ئاستبلند ب شێوەى بێتەلى ب رێكا هندەك تەروداتێن دى ل چارچووڤێ جيهانى دا یێ هاتتيه دروستكرن

 ئەڤ چەكه ل سەر هنارتنا هێزێ ب شێوێ پێلا بۆ تەخا ئەسمانى ب تايبەتى (تەخا ئەیۆنوسفیر) كاردكەت،

هەر وەسا مايكرويڤ ئەڤێ د دروستكرنا هێزا مەغناتيسى دا دهێتە بكارئينان و ئەڤ ئەريالێن باى د بنه ئاميرێن مايكرويف و تەخا ئەیۆنوسفیر، دبيته جهى ئارستەكرنێ ب رێكا هنارتنا وان تەرەدودان يێن ژ مايكرويفى دهێنە ئارستەكرن.

ئەڤ سيستەمه ژ بۆ زێدەكرنا پرۆتوناتا و ئەيۆن و ئەتۆمان (الذرات) د كەرستەيێ دا كاردكەت و دبيته تيشكەكا هێزێ يا گەلەك ئاستبلند و تژيكرى و هەر دەمێ هاته ئارستەكرن بۆ هەر جهەكێ هاتيیه ئارستەكرن و ژ ناڤ دبەت ب هێزاتيا (3,6) مليۆن واتان دسوژيت، ب ڤی رەنگى كارتێكرن د تەخا ئەیۆنوسفیرى دا ل ئاسمانى دهێتەکرن.

ئەرێ چەكێ هارپ گرێدانەك ب رویدانێن سروشتى ڤه هەيه

 ل دويڤ پێزانينا ل سەر هێزا ڤىى چەكى، د شيانا چەكى هارپ دايه دەستكاريێ د بۆشاییا ئاسمانى و سەقايى دا بكەت و ئەڤ چەكه گەلەك كاريگەره و دشێت رويدانێن سروشتى دروستدكەت و د شيانێن ڤی چەكى دايه بۆ دروستكرنا عەردهەژينێ ل هەر دەڤەرەكا ل سەرانسەرى جيهانى بيته دەستنيشانكرن، ب دروستكرنا تەرەدوداتا و پاش هنارتن و تێكەلكرنا ئەيوناتا دگەلێك دا .

ل سەرەراى مەترسيا كارئينانا ڤی جۆره چەكێ كومكوژ، لەوانێ ئەڤ جۆره چەكه ل بن دەستهەلاتا لەشكەرێ ئەمريكی يێ هێزا ئەسمانى و هێزا دەريايى هاتيیه دانان.

بەشێن چەكێ هارپ

چەكێ هارپ ل سەر ڤان بەشێن ل خوارێ دابەش دبيت:

  1. 1. بەشێ بايى (الهوائي) Antenna:

 ئەڤ بەشه يێ گرنگه و مەزنتره ژ بەشێن دى و پێكدهێت ژ (180 تاوەران) و ئەڤ تاوەرە بايى هێزەكا مەزن ژ پێلێن كەهرومەغناتيسى بۆ تەخا ئەیۆنوسفیر فڕێ دكەته ئاسمانى.

  1. 2. ئاميرێ لێگەڕيانا ئەیۆنوسفیرى IRI:

ئەڤ ئاميره يێ لێگەڕیانا پێلێن بێتەلێى، يێن ئاستبلندە و بۆ لێگەڕیانا پێلێن دەڤەرا بێته دەستنيشانکرن بۆ لێدانێ دهێته بكارئينان ژ لايێ قەبارێ ئاسماني ىێ ئەيۆنى (گەرمكرن يان چالاككرن) ب شێوەكێ دەمكى.

  1. 3. هنارتنكەر و بهێزكەرێ ئالاڤێ هنارتێ Transmitter:

ئالاڤ برێكا ڤی ئاميرەى دهێتە ئارستەكرن و درێژاهيیا پێلێن ئارستەكرى دگەهيته ژ (8,2) هەتا (10) مێگا هێرتزان (ئێكجار  يان بەردەوام) و بهێزكرنا تەرەدودێ ژ (2) هەتا (2,5) مێگا هێرتزان تێتەكرن و هنارتنا گومێن پێلا د ناڤ بايى دا دگەهيته (100) هەتا (500) مێگا واتان .

  1. 4. ئاميرێ هنارتنا مەغناتيسى :

مەرەم ژ كارئينانا ڤی ئاميرەيى بۆ ڤەکۆلين و پێشڤەچوون و گورانكاريێن فيزيائى ل سەر وێ دەڤەرا دەستنيشانكرى ژ ئاسمانى بەر ب ئارمانجێ ڤە ژ تەخا (ئەیۆنوسفیر) باش رەوانەكرنا پێلێن تيشكان بۆ وێرێ ژ پێخەمەتى هاريكارىكرن د ڤەکۆلينا چالاكيا سەرەكى دا، ئەڤێن د تەخا ئەيونى دا پەيدا دبن.

مفا و زيانێن بكارئينانا ڤی جۆره چەكى

  1. 1. مفايێن كارئينا چەكێ (هارپ) .

أ. پێدانا پتر باوەريێ ب سيستەمێ پەيوەنديكرنێ و كەشتێن ئاسمانى و دەريايى چاڤدێريكرنێن ژ لايێ سڤيلى و لەشكەرى وەكى هويربينيا كاركرنا سيستەمێ (GPS) دهێنە بكارئينان .

ب. باشكرنا تەكنيكا لێگەڕیانێ دبن ئاڤێ دا و دبن ئەردى دا و باشكرنا پەيوەندىكرنان، يێن ژێر دەريايى (الغواصات) و پارچێن دەريايى ئەڤێن دچنه د كويراتيا دەريايى دا .

 ج . پێشڤەبرنا شيانێن ئاميرێ نەخشەیان و وێنێن نەخشەیان د ناڤ كويراتيا ئەردى دا و ڤەديتينا كەرستە و كانزايان د كويراتيیا ئەردى دا .

د. باشكرنا ژينگەهێ و پەيداكرنا سەقايەكێ گونجاى بۆ پەيداكرنا سەقايەكێ نموونەيى بۆ دەمەكێ دەستنيشانكرى هەر وەكى ددەمێ ڤەكرنا ياريێن ئولومپياتان دا .

  1. 2. زيانێن كارئينا چەكێ (هارپ)

أ- چەكێ هارپ دبيته ئەگەر بۆ پەيداكرنا جهێ گومانێ ژ لايێ وان وەلاتێن باوەرى ب گوتنا بيردۆزا  پلانگێريێ (نظرية المؤامرة) هەى، ژ بەر هندێ هۆشدارى هاتيیه دان بۆ زانايێن د دروستكرنا چەكێ هارپ دا زێده كاردكەن، شيانێن ب كارئينانا ڤی چەكى بۆ گوهارتنا سەقاى و پەيداكرنا رويدانێن سروشتى، وەكى (لەهی و بارۆڤه و عەردهەژين و هشكاتى … هتد)، هەر وەكى پەيدابوونا عەرد هەژينێ ل وەلاتێن (ئيران، پاكستان، توركيا، سووريا، يۆنان و مەغرب)، هەر وەسا تومەتباركرنا چەكێ (هارپ) بۆ پەيدابوونا ڤان عەردهەژينا ل ڤان وەلاتان، ئەڤ چەكه ئەگەرەكێ سەرەكى بوو د ئەردهەژينا وەلاتێ يابانێ د سالا 2011 دا، چونكى بەرى رويدانێ ب 3 روژان ژ نشكەكێ ڤه پلەیێن گەرمێ ل هنداڤى دەڤەرا  عەردهەژينێ  بلند ببوون.

ب- رۆسیا ژ بەر كارئينانا چەكێ (هارپ) هۆشدارى دايه، چونکی دبيته ئەگەرێ پەيدابوونا زنجيرەیەك ژ ئەلکترۆناتان، کو دێ ئێكسەر بيته ئەگەرێ كونبوونا جەمسەرێن عەردى یێن موغناتيسى.

ج – پێشڤەبرنا چەكێ (هارپ)، دێ بيته ئەگەر بۆ زالبوونێ ل سەر مێشكى مرۆڤى، كو ئەگەر بهيته خواستن بۆ گوهارتنا هزرا وێ و رەفتارێن وێ (توشبوونا مرۆڤى ب بێهوشكرنێ يان تورەبوونێ) ب رێكا هنارتنا پێلێن ئاست نزم يا هەمان پێلێن مێشكێ مرۆڤى.

د- چەكێ (هارپ) دێ د جەنگێن هەڤچەرخ دا بۆ دروستكرنا رویدانێن سروشتى و بارۆڤه و عەردهەژين و گوهارتنێن سەقاى و پلەیێن گەرمێ هێته بكارئينان.

چەكێ (هارپ) پارچەكه ژ پرۆژێ تيشكا شين (Blue beam project) و چەكەكێ نوى يێ كومكوژه، دجيهانى دا بۆ جەنگێن نوى ئەڤی بێته بكارئينان و ئەڤ چەنده بوويه جهێ دلنەرحەتيێ بۆ پتريا وەلاتێن هەرێمى و جيهانى، ژ بەر كو ئەڤ چەكه دەستكاريێ د ئەيۆناتێن د تەخا (ئەیۆنوسفیر) هەين دا دكەت و ژ بۆ هنارتنا وزێ ب شێوێ پێلان بۆ تەخا ئەسمانى بتايبەتى تەخا (ئەیۆنوسفیر) كاردكەت.

ئەڤی چەكى چەند بەش هەنه و هەر بەشەكى ئەركەكێ دەستنيشانكرى ژ مفا و زيانان هەيه، دبيت زيانێن وى ل سەر وەلاتێن جيهانا سيێ و وەلاتێن لاواز، ئەوێن دویر ژ تەکنۆلۆجیا پێشكەفتى پتر بن و دبيته ئاميرەكێ گەڤلێكرن و جەنگى بۆ سەر وان وەڵاتان.

هندەك ديتن هەنه، يێن لێڤەگەرێن هزرڤانان و رەوشەنبيران ل سەر ڤی جۆرە چەكى و بكارئينانا وێ د جەنگێن نوى دا ل پاشەروژى، ژ بەر ڤێ چەندێ، بۆ نياسينا ڤی چەكى و چەوانەنیيا بكارئينانا وی و مفايێن وى ل گەل زيانان، ڤەکۆلین ل سەر ڤی جۆره چەكى هاتينەكرن.

 

ژێدەر: 

 ١. سلاح هارپ ويكيبييديا (2022 ترند نيت) .

٢. مشروع هارپ السري سلاح المناخ العالم مقبل على كارثة Watch on YouTube  .

٣. مجلد بلادي العدد 24 تشرين الأول 2022 .

٤. The haarp report – YouTube 2016 .

Check Also

دابونەریت و سۆشیال میدیا و بەرئێكەفتنا ھێزان

عەبدولرەحمان بامەرنی ئەز دێ نڤیسینا خوە ب دو پرسان دەستپێكەم، ئەو ژی: ـ ئایا سۆشیال …