گۆڤارا مەتین گۆڤارا مەتین
بەرهەڤکرن: حەجی جەعفەر
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
کارل فریدریک مای Karl Friedrich May، نڤیسەرەکێ ئەلمانێ بناڤودەنگە، ل رۆژا ٢٥ێ شوباتا ساڵا 1842ێ ل هۆهێنشتاین ئەرنستهال Hohenstein-Ernstthal ژ دایک بوویە، ل ٣- ئادارا ساڵا 1912ێ ل رادبۆیل Radebeul چوویە بەردلۆڤانیا خودێ.
ژیانا خۆ ب مامۆستایەتیێ دەستپێکرییە، پاشی ساڵا 1875ێ چوویە د ناڤ جیهانا ڕۆژنامەڤانیێ دا، پاشی ب نڤیسینا کورتە چیرۆکان ناڤێ خۆ دیارکرییە، بەلێ ناڤودەنگێ وی یێ جیهانی ل گەل بەلاڤکرنا بەرهەمێ وی ( چیرۆکێن گەڕیانان/ Travel stories)، دیار بوویە. نێزیکی 66 بەرهەمێن ئەدەبی هەنە. بەرهەمێن وی بۆ (43) زمانان هاتینە وەرگێران، زمانێ کوردی ئێکە ژ وان زمانان. ئەوی گەلەک ل سەر کورد و کوردستانێ نڤیسییە، ژ وان پەرتووکێن :
- د کوردستانا کیڤی ڕا، 570 بهرپەڕن.
- د بیابانێ ڕا، 380 بهرپەڕن، نێزیکی 300 بهرپهڕ ل دۆر کوردانە.
- ل سۆدانێ، 300 بهرپهڕن، 64 بهرپەڕ ل دۆر کوردانە.
- ژ بەغدا بۆ ستەنبۆلێ، 400 بهرپهڕن، نێزیکی 150 بهرپەڕ ل سەر کوردانە.
