نیکۆل ف. واتس، ڤەکۆلەرەکا ئەمریکی یە کو پشکەکا گرنگ ژ چالاکییێن خۆ یێن ئەکادیمی بۆ سیاسەتێ، بزاڤ و چالاکییێن جڤاکی و پرسا کوردی تەرخان کرییە. نیکۆل مامۆستایا زانستێن سیاسییە ل زانینگەها ویلایەتا سان فرانسیسکۆ یا ئەمریکی San Francisco State Universityێ. ڤەکۆلینێن وی ل دۆر سیاسەتێن هەڤبەرکری ل بیاڤێن بزاڤێن جڤاکی و سیاسەتا نەتەوەیی نە.

واتس بۆ پتر ژ دەهـ سالان ل دۆر رەوشا سیاسی یا کوردان، ڤەکۆلینێن مەیدانی ئەنجام داینە. ژ بۆ ڤەکۆلینێن خۆ مفا ژ ژێدەرێن جودا جودا وەرگرتییە وەکو داتایێن هەلبژارتنان، بیرەوەریێن سیاسەتمەداران، بەلگەنامەیێن دادگەهان و چاڤپێکەڤتنێن ل گەل چالاکڤانان. سەرنجا وێ یا تایبەت ل سەر ڤێ پرسێ یە: چەوا تەڤگەرا کوردی، ل ژێر وێ رەوشا کو ڕویبڕوی بووی هاتییە سنووردارکرن و سەركوتکرن و چەوا شیایە بەرخۆدانی بکەت.

گرنگییا کارێ ڤێ ڤەکۆلەرێ د هندێ دایە کو وێ ڤەکۆلینێن خۆ، یێن تایبەت ب پرسا کوردی، نە ب تەنێ ژ گوشەیێ شەڕێ چەکداری یان سیاسەتا ئەمنی ئەنجامداینە؛ بەلکو ڕۆلێ پارتیێن سیاسی، باژێرڤانییان، هەڵبژارتنان، چالاکڤانێن مەدەنی و پشکدارییا سیاسی ژی بەر چاڤ وەرگرتینە. لەوڕا ڤەکۆلینێن وێ بۆ تێگەهشتنا پەیوەندییا د ناڤبەرا نەڕازیبوونێ، پشکدارییا سیاسی و ناسنامەیا کوردی دا،گرنگییەکا زۆر هەیە.

ئێک ژ پەرتووکێن وێ یێن گرنگ ب ناڤێ: «کۆمارا خەونا – ملەتەکێ ساکار و ململانێیەکا دژوار و پاشەڕۆژا کوردستانا عیراقێ Republic of Dreams: Ordinary

People, Extraordinary Struggles, and the Future of Iraqi Kurdistan» یە. ئەڤ پەرتووکە ل سەر بنەمایێ ژیانا کەسەکێ کورد ب ناڤێ «پێشەوا» هاتییە نڤیسین، کو کوڕەکێ هەلەبجەیی یە.