گۆڤارا مەتین گۆڤارا مەتین
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
ئیسماعیل بادی
مارتن ڤان برۆنسێن، ئێكە ژ رۆژنامهڤان و نڤیسهرێن خهمخور یێن بیانى، کو پویته دایه بارێ جڤاكى و سیاسى یێ كوردان. وهڵاتییهكێ هوڵهندى یه، ل ١٠ێ هەیڤا تیرمەها ساڵا 1946ێ ل باژاڕێ شخوونهۆڤن Schoonhoven وهڵاتێ هولهندا ژ دایك بوویه. د بیاڤێن بیركارى و فیزیا و سوسیۆلۆجیێ دا خواندییه، د ناڤبهرا ساڵێن 1974- 1976ێ دا ل ههمى پارچێن كوردستانێ گهڕیایه و كارهكێ مهیدانی ل دۆر سهروبهرێ جڤاكیێ كوردان كرییه. ڤهرێژا وێ گهڕیانێ پهرتووكا (ئاغا و شێخ و دهولهت و پێكهاتا جڤاكى و سیاسی ل كوردستانێ) بوو.
ل چهندین پهیمانگههـ و زانكۆیان كاركرییه و نههـ زمانێن جیهانى دزانیت، زێدهبارى ههردو زارێن سهرهكى یێن زمانێ كوردى.
ئهندامێ دهستهكا نڤیسینا چهندین كۆڤارێن ڤهكۆلینا یێن تایبهت ب كوردان ڤه بوو.
ژ بهرههمێن وى یێن گرێدایى كوردان:
– ئاغا و شێخ و دهولهت… .(هاتییه وهرگێڕان بۆ زمانێ كوردى).
– دین و سیاسهت و بزاڤا نهتهوهیى یا كوردى.
– زانایێن كورد و قوتابییێن وان یێن ئهندهنووسى.
– ئافرهتێن حوكمدار د دیرۆكا كوردى دا.
– رێبازا نهقشهبهندییێ ل كوردستانێ د چەرخێ ههڤدێ دا.
– جینۆساید ل كودستانێ.
– جهنگا كیمیاوى ل دژى كوردێن عیراقێ.
– عهشیرهتێن كوردان و دهولهتا عیراقێ.
