كریس كۆچیرا

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.

مه‌تین

پۆوڵ مووبك (Paul Maubec) یێ ب ناڤ و دەنگ ب كریس كۆچیرا (Chris Kutschera)، رۆژنامەڤان، ڤەكۆلەر و نڤیسەرێ ب رەگەز فەرەنسی، ژ دایكبوویێ 13ی گولانا ساڵا 1938ێ یە. ناڤبری ب نڤیسین و ڤەكۆلینێن خۆ یێن ب ناڤ و دەنگ ل سەر رۆژھەلاتا ناڤین و كوردستانێ یێ دیار و بەرچاڤ بوو. ناڤبری 5 بەرھەم وەكو پرتووك و ھژمارەكا ئێكجار مەزن یا گۆتار و ڤەكۆلینان ل سەر رەوشا كوردان و كوردستانێ بەلاڤكرینە. پشتی ناڤبری ل ساڵا 1960ێ خاندنا خۆ ل زانكۆیا سۆربوونێ ب دومیاھیك ئینای وی ل گواتینامۆیێ دەست ب كارێ رۆژنامەڤانی و نڤیسەریێ كرییە.

د گەل ھەڤژینا خۆ ئێدات كۆچیرا (Edat Kutschera)ێ ئەرشیفەكێ گەلەك دەولەمەند یێ فۆتۆگرافی ل سەر ژیار ا كوردان و رەوشا وان یا سیاسی ل دەڤەرێ ب جیھانێ بدەنە دیاركرن، زێدەباری تۆماركرنا ھژمارەكا گەلەك مەزن ژ گرتەیێن ڤیدیۆیی ل سەر تەپەسەریا كوردان. ناڤبری ل نەخۆشیا ئیفلینجا مەژی ل 31ی تەمۆزا ساڵا 2017ێ وەغەرا دویماھیێ كر.

كریس و ھەڤژینا وی ئێدات ل 25ی نیسانا 2013ێ و ژ بەر رۆلێ وان یا گرنگ د دانەناساندنا دۆزا مللەتێ كورد بۆ جیھانێ ب میدالیا بارزانی دھێنە خەلاتكرن.

ژ بەرھەمێن وی ل سەر كوردان؛

– بزاڤا رزگاریخوازیا نه‌ته‌وه‌یى یا كوردی، ساڵا چاپێ 1979.

– ئالەنگاریا كوردی و خەونا سەرخۆبوونێ، 1997.

– كوردستان، رێبەرێ ئەدەبیاتێ، 1998.

– پرتووكا رەش یا سەددام حوسێنی، 2005.

– چیرۆكا دیرۆكا كوردستانێ، 2007.

– گه‌شته‌یا دوورودرێژ یا كوردان، كۆمكرنا ریپۆرتاژێن 40 سالان ل سه‌ر كوردستانێ، 2011.