پشتی تێکچوونا شۆرەشا شێخ سەعیدێ پیران، د سالا 1925ان دە و مشەخبوونا هژمارەک ژ وەلاتپارێز، رەوشەنبیر و چالاکڤانێن شۆرەشگەرێن، کو د دەستپێکا ڤێ شۆرەشێ دە کەدا وان هەبوو، د سالا 1927ان دە، ل باژارۆکێ بهەمدوونا بەیرووتێ جارەکە دن ل هەڤ جڤیان. وێ دەمێ هەژمارەکە مەزن ژ هێزێن سیاسی و نەتەوەیییێن کوردی ل ور جڤیان و ل سەر ئاڤاکرنا کۆمەلا (خۆیبوون)ێ یا کوردی ل هەڤ کرن. د ناڤ وان دە رۆناکبیرێ مەزن جەلادەت، د. کامیران و برایێ وان سوورەیا، کو د تێکۆشین و پێشکەتنا ڤێ کۆمەلەیێ دە، ب تایبەتی د وارێ راگهاندنێ و چاپکرنا پرتووک و بەلاڤۆکان دە، ژ بۆ پێشخستنا هشمەندیا نەتەوەیی و شیارکرنا وێ، رۆلەکە بەرچاڤ و پێشەنگ لیستن. ئەڤ کۆمەلە ب سایا سەرێ مالباتا بەدرخانییان، مالباتا جەمیل پاشا و چەند ریسپی، زانا و مالمەزنێن کوردان ئاڤا بوو.

ڤێ کۆمەلەیێ دخوەست بەشداری شۆرەشا ئاگریێ یا ب پێشەنگییا جەنەرال ئیحسان نووری پاشا ببە. هەر چەند د سینۆرێن (چێکری) د ناڤبەرا سەرخەت و بنخەتێ دە هن ڤالاهی ڤەکربن ژی، لێ مەرجێن خۆیەتی و بابەتی ژ بۆ تەڤلیبوونێ نەگونجای بوون. حوکوومەتا فرەنسایێ یا کو ل سووریێ دەستهلاتدار بوو، ئەڤ نەتەوەپەروەرێن کوردێن کو ژ باکورێ کوردستانێ هاتبوون سرگوونکرن شامێ. ل شامێ ژی ئەڤ کەس بێ دەنگ نەمان، ل دۆرا کوردەکی رۆناکبیر و زانایێ ب ناڤێ جەلادەت بەدرخان کۆم بوون و هەول دان، کو خەون و خەیالێن خوە ب وی رە پارڤە بکن.

رەوشا گشتی یا سەردەست بێهێڤیتیێ دیار دکر. ژ ئالیەکێ ڤە شۆرەشێن کوردی یەک ل پەی هەڤ تێک چوون و ژ ئالیێ دن ڤە ژی فرانسییان ب وان شەرڤانان رە نەباش کرن، ژ بلی وان شەرت و مەرجێن دژوارێن کو دژیان؛ بەلەنگازی، برچیبوون، خزانی، نەزانی و نەتێگهشتنێ، رەوشا سیاسی ژی نەئالیکار بوو. پشتی کو چەکان خەونێن وان پووچ کرن، پێنووس ژ بۆ دەربڕینا ئێش و هێڤیێن خوە باشترین رێ دیتن.

گۆڤارا هاوارێ

جەلادەت بەدرخان د ١٥ێ گولانا ١٩٣٢ان دە گۆڤارا کوردی هاوارێ دەردخست، ئەو هێڤییا وێ دەما دژوار بوو و د شەڤەکە تاری دە وەک مۆمەکێ هات ڤێخستن. گۆڤارا هاوارێ بوو ئەو هێڤی و پرۆژەیا کو نڤیسکار و رۆناکبیرێن کورد ل دۆرا خوە جڤاندن و پێنووسا وان دەست ب خوینرژاندنا ئێش و ئازارێن کوردان کر. رەوشەنبیران هێڤیێن مەزن ل سەر گۆڤارا خوە گرێدان. ئەڤ گۆڤار پر بەلاڤ بوو و بالا نڤیسکارێن کوردێن ژ چار ئالیێن کوردستانێ کشاند. دکارە بێ گۆتن، کو جەلادەت مامۆستایەک بوو، کو هەموو نڤیسکار و رۆناکبیرێن کوردێن وێ سەردەمێ د دبستانا وی دە مەشەق، شەردە و پەروەردە بوونە. دگەل مەرجێن دژوار، دەرکەتنا ژ وەلات، رەوشا ئابووری یا لاواز، شیانێن هونەرییێن قەلس و چێکارێن سەرەتایییێن چاپخانەیا کەڤنار، ل هەمبەر ڤان دژوارییان تەڤان جەلادەت دەزگەهەک رەوشەنبیری دامەزراند و گۆڤارا خوە ل سەرانسەرێ کوردستانێ بەلاڤ کر.

ئاوایێ چاپکرن و دژواریێن گۆڤارێ

ئەز، ل ڤر هەول ددم، کو بەشەکە بچووک ژ دژواری و پرسگرێکێن چاپکرنێ یێن وێ دەمێ د گۆڤارا هاوارێ دە نیشان بدم:

یا یەکەم: ژ بۆ گۆڤارێ ب واتەیا وێ یا کو ئیرۆ تێ زانین و ناسکرن، دەستەیا رێڤەبەر تونە بوو. جەلادەت خوەدی، گەرینەندە و بەرپرسیارێ گۆڤارێ بوو، راستنڤیسەر، لێڤەگەر، شێوازا تیپرێز و سەرلێدانێ یەکەم و داوییێ گۆڤارێ بوو. نەرینەک دن ژی هەیە، کو دبێژە، د ئامادەکرنا گۆڤارێ دە هن نڤیسکارێن وەک ئۆسمان سەبری، قەدری جان، رەوشەن بەدرخان و یێن دن ئالیکارییا وی دکرن. دبە، کو جارنان ئەڤ یەک چێبووبە، لێ ئەو د سەری دە و د داویێ دە بەرپرسیارێ گۆڤارێ بوو.

یا دویەم: د وێ قۆناغێ دە، د ناڤ کوردان دە، ژ بەر کێمبوونا خوەندن و نڤیساندنێ نڤیسکار کێم بوون، ب تایبەتی ب زمانێ خوەیێ باڤ و کالان، کەسەک، کو راست دنڤیساند و راست دخوەند تونە بوو، لەوما جەلادەت د بن گەلەک ناڤێن جهێ و ناسناڤان دە بەرهەمێن خوە بەلاڤ دکرن.

ژ بۆ ئاوایێ چاپێ یێ وێ دەمێ، ئەو ب تیپێن سفر ل کێلەکا هەڤ رێزکری بوو. ئانگۆ تیپ ل تەنشتا تیپەکە دن تێ دانین، هەتا کو پەیڤ تەمام ببە، دوو رە ب قەتەک سفر ڤالایی تێ هشتن کو پەیڤ نەگهێن هەڤ.. دوو رە هەڤۆک، دوو رە رێز، هەیا کو رووپەل تەمام ببە. هەر رووپەلەک ژ یا دن جودایە، ل گۆری مەزناهیا رووپەلێ، رووپەل د ناڤ چار دارکێن وەکهەڤ دە جهــ دگرە، ئانگۆ دبە وەکی چارچۆڤەیەک رووپەلێ و هەموو ب هەڤ ڤە تێنە گرتن، و پاشێ ل سەر ماکینەیێ تێنە سوارکرن. ئەڤ پێڤاژۆ (تەشەکرن و رێزکرنا تیپان) دەمەکە درێژ و گەلەک هەولدان دخوازە. بێگۆمان پرانییا جاران د تیپرێزکرنا گۆڤارێ دە خانما وی، رەوشەن بەدرخان، ئالیکارییا وی دکر.

ئەز د وێ باوەریێ دە مە، کو مرۆڤەک نکارە ڤان کاران ب تەنا سەرێ خوە بکە، ژ بەر کو چەند توورک(کیس) ژ تیپان پێویستن، کو کاربە رووپەلێن هەژمارەک ژ گۆڤارا خوە دەرخینە. ژ بلی کو بنڤیسینە، بابەتێن گۆڤارێ کۆم بکە، سەراست بکە، لێڤەگەرە و چاپ بکە. ئەڤ کار ب رۆژان دگرە، ئیجار چاوا دکاربوو گۆڤارەکە نیڤمەهی بوەشاندا، تەڤی وێ یەکێ ژی د بن چاڤدێرییا وی دە گۆڤار دەردکەت. ئەڤ تێ وێ یەکێ کو ئەڤی مرۆڤی شەڤ و رۆژ چێژا خوەشی، خەو و بێهندانێ نەدیتیە. لێ ئاستەنگی و کارێ هەری دژوار نەبوونا پەرە و هن دەستوەردانێن دەولەتا ترک و زۆرێن ل سەر رایەدارێن فرەنسی بوو. ب راستی ژی گەلەک جاران دەستهلاتداران ژ بەر سەدەمێن سیاسی رێ ل بەر خوەدیێ گۆڤارێ دگرتن. ئەو ئاستەنگی ب رەوشا سیاسی یا هەردو رایەدارێن دەولەتان گرێدایی بوو. هەگەر بەرژەوەندییا وان ل هەڤ بهاتا ژ کوردان رە نەباش دکەت. گەلەک جاران وەشانا گۆڤارێ ئاستەنگ دکرن، جار جاران ژی باش لێدهات، فرەنسییان ئالیکارییا وی دکر، نەمازە د پەیداکرن و ب دەستخستنا کاغەزێن کو گۆڤار پێ دهات چاپکرن دە؛ ژ بەر کو د وێ دەمێ دە، پەیداکرنا کاغەزان پڕ دژوار بوو.

تێ زانین کو گۆڤارا هاوارێ ل شامێ دەردکەت و ل گەلەک باژار، گوند و باژارۆکێن کوردان دهات بەلاڤکرن و هەر کەس ب گۆتارێن خوە ژ چار ئالیێن کوردستانێ بەشداری گۆڤارێ دبوو. بەلاڤکەرێن گۆڤارێ خوەدی جهەک جڤاکی یا بلند بوون و خوەندەڤانێن وێ ژی رەوشەنبیرێن کورد و خەلکێن هەرێمێ (سریان، ئاشووری، کورد و عەرەب) بوون. هەژمارێن گۆڤارێ دگها دەستێن هەر کەسی؛ مامۆستا، کاربدەست، سەرۆکێن عەشیران، ریسپی، کارکەر، جۆتکار، گوندی، بەگ، ئاغا، شێخ، مەلا و کەسێن کو رۆل و باندۆرا وان ل جڤاکێ هەبوو.

هن ئاگاهی ل سەر گۆڤارا هاوارێ

گۆڤار ب زمانێ کوردی و فرەنسی دەردکەت، هەژمارا رووپەلێن گۆڤارێ د ناڤبەرا (١٦ – ١٢ – ٨) دە دگوهەری و ب ڤی ئاوایی: ژ هەژمارێن (١ – ٣٩) ١٦ رووپەل، ژ (٣٩ – ٤٦) ١٢ رووپەل، ژ (٤٦ – ٥٧) ٨ رووپەلان دەردکەت. مەزناهیا قەبارە: ٢١×٢٩ان دەیە، و هەژمارا رووپەلێن کو ژ بۆ بەشا زمانێ فرانسی هاتنە ڤەقەتاندن د ناڤبەرا ٢ – ٤ رووپەلان دەیە. گۆڤارا هاوارێ ل باژارێ شامێ، د سێ چاپخانەیان دە تێ چاپکرن: چاپخانەیا ئەلتەرەقی، سبات و مدحک ئەلموبکی، ژ هەژمارێن (١ – ٢٣)، (٢٥)، (٥٣ – ٥٧) ل چاپخانەیا تەرەقی، ژ هەژمارا (٢٧ – ٥٢) ل چاپخانەیا سبات و هەژمارا (٢٤) ل چاپخانەیا مدحک ئەلموبکی.

گۆڤارا هاوارێ ژ هەژمارێن (١ – ٢٣) ب تیپێن عەرەبی و لاتینی دەردکەت، لێ پشتی هەژمارا (٢٣) هەموو هەژمار ب تیپێن لاتینی بوون و ل سەر پێشنیارا مامۆستا عەلی سەیدۆ گۆرانی جهێ هەردو تیپان (ق – ک) ب (ک – ق) ب هەڤ هاتن گوهەرتن. د هەژمارا (٢٧) یا گۆڤارێ دە، خوەدیێ گۆڤارێ گۆتارەکە راڤەکەر ل سەر دیرۆک و دیرۆکێن راوەستاندنا وەشانا گۆڤارێ دنڤیسە، بێی کو بەحسا سەدەمێن وێ بکە:

هەژمار (١) ١٥/٥/١٩٣٢ – هەژمار (٢٣) ٢٥/٧/١٩٣٣.

هەژمار (٢٤) ١/٤/١٩٣٤ – هەژمار (٢٦) ١٨/٨/١٩٣٥.

ژ (٢٧) ١٥/٤/١٩٤١ – هەژمارا داوین (٥٧) ١٥/٨/١٩٤٣.

ژ راڤەکرنا ژۆرین دیارە، کو گۆڤار ١١ سالی بوو، لێ ل گۆر هەژمارێن کو دەرکەتنە تێ خویاکرن، کو تەمەنێ وێ پێنج سال و هەفت مەهــ و سێ رۆژن. ژ هن چاڤکانییان خویا دبە، کو گۆڤار ژ بەر نەبوونا دارایی هاتیە راوەستاندن. ل ڤر پرسەک د سەرێ مە دە دگەڕە، ئەو ژی ئەڤە: گەلۆ چما گۆڤارا هاوارێ راوەستیا؟ شیانێن دارایی هندک بوون ئان ژی تونە بوون، لێ وەک ئەم دزانن، کو بەردەوامییا وێ ب فرۆتانێ ڤە گرێدایییە، نەمازە پەرەیێن پشکدارێن ئابۆنەیان. د ناڤ ئابۆنەیان دە گرەگر، دەولەمەند، بازرگان، دکتۆر، ئەندازیار، پارێزەر، سەرۆکێن عەشیران، بەگ، ئاغا، شێخ، سەرۆک و هن ئەفسەر و کەسێن خوەدی رۆلا جڤاکی و ئابووری هەنە. ئەم دکارن ببێژن، کو گۆڤار ل هەموو بەشێن کوردستانێ دهات بەلاڤکرن و سینۆرێن سووریایێ دەرباس کریە و ل گەلەک وەلاتان دهات بەلاڤکرن. ل ڤر پرسەک دن تێ بیرا مە، گەلۆ ئابۆنەیان ئان بهایێ گۆڤارێ ژ خوەدیێ وێ رە نەدشاندن، ئان ژی بهایێ وێ نەدگهشتە دەستێن خوەدیێ گۆڤارێ هەتاکو بوو سەدەم گۆڤار ژ جارەکێ زێدەتر راوەستە.

ل سەر بەرگێ گۆڤارێ جار ب جار بوهایێ هەژمارێ دهات نڤیساندن:

بوهایێ کڕینا گۆڤارێ ژ بۆنا سووریا، ترکیا، ئەجەمستان، عیراق و وەلاتێن قەفقاسێ:

سالکی ٥٠٠ قرووشێن سووری – ١٠٠ فرەنک

شەشمەهکی ٣٠٠ قرووشێن سووری – ٦٠ فرەنک

چارمەهکی ٢٠٠ قرووشێن سووری – ٤٠ فرەنک

ژ بۆنا وەلاتێن دن:

سالکی ١٥٠ فرەنک

شەشمەهکی ٩٠ فرەنک

چارمەهکی ٦٠ فرەنک

هەر تشت ب ناڤێ خوەیی تێنە شاندن

شام: تاخا کوردان

هەلبەستڤانێ مە یێ مەزن جەگەرخوینێ کورد د دیوانا خوە یا یەکەما ب ناڤێ (ئاگر و پرووسک)، رووپەل ١٥٠ دە، هەلبەستەک ب ناڤێ (ژ کریارێن هاوارێ رە) ژ بۆ ئابۆنەیێن گۆڤارێ دنڤیسە و ژ وان وەلاتپارێزێن کوردێن دەولەمەند داخواز دکە، کو دەستێ ئالیکاریێ درێژ بکن و ئالیکارییا چاپکرنا گۆڤارێ ژ بیر نەکن.

‹›هەوارە هەی هەوارە، چما وسا دنالی

سەد حەیف و سەد مخابن بێ زیڤ و زێر و مالی

‹›پەران بدن هاوارێ دا کو ب سەر خوە بێتن

بگری د ئەردێ شامێ کەمالێ بێ زەوالی

حاتەم یەکە ب تەنها کوردێن مە تەڤ دە حاتەم

هاوارە رەنگێ بێژەن کا روستەمێ ژ زالی

هاوار درەفشێ کاوە، کاخەت قوماشێ سادە

ژێ رە پەران بشینن کوردنۆ ب دل حەلالی».

د داویێ دە، جەلادەت نەچار ما، کو تشتێن مالا خوە بفرۆشە.

ژنا وی، رەوشەن خانم، رۆژەکێ ژ من رە گۆت: ‹›رۆژەکێ جەلادەت هات مالێ و ل سەر روویێ وی نیشانێن خەمگینی و هێرسێ هەبوون. ژ بەر ڤێ یەکێ من ژێ پرسی چما خەمگینی؟ گۆت: دەم دەما چاپکرنا گۆڤارێیە و پەرێ من تونە. کا بێژە ئەز چ بکم؟! ئەز دبێژم ڤان کورسییان جهێ مە تەنگ کرنە، تو دبێژی چ؟ نە وهایە؟ من ژێ رە گۆت: تو چ دخوازی بکە. پاشێ ئەو کورسی فرۆتن و بوهایێ چاپکرنا گۆڤارێ دا، پاشێ ب روویەکی گەش و ب دلەکی خوەش ڤەگەریا مالێ و ژ من رە گۆت: رەوشەنا من گۆڤارا هاوارێ چاپ بوو.››

ژ جەلادەت رە تشتەک نەمابوو، کو د ژیانا خوە دە بکە ژ بلی چاندنا پەمبووی. ل گوندێ هیجانێ یێ سەر ب شامێ ڤە، ب ریا هەڤالێ خوەیێ دەرەبەگێ ناڤدار حوسێن ئیبش رە نەچار ما، کو د چاندنییا پەمبوو دە بخەبتە. رۆژەکێ دەما ل سەر دیوارێ چالا (بیر)ا ئاڤێ روونشتبوو پەمبوو ئاڤ ددان، ژ نشکا ڤە دیوار ژ بەر هەڤ چوو و هلوەشیا، جەلادەت کەت بیرا ئاڤێ و گوندییان نەکارین وی رزگار بکن، ل نەخوەشخانەیا ئەلموواسات مر. هێژایی گۆتنێیە، کو وی بەری مرنا خوە ناڤێ ڤێ بیرێ کربوو بیرا قەدەرێ و ب راستی ژی ئەو بیر ژێ رە بوو بیرا قەدەرێ.

جەلادەت مرۆڤەک بوو، کو بەری دەما خوە هاتبوو ژیانێ، و وەک کورد دبێژن: (گولەک بهارێ گەش ناکە). گەلێ کورد بوهایێ زانایێ خوە نزانن، مللەتەکی زندیکوژ و مریپەرەستن. گەلێ کو ل چاندێ خوەدی دەرنەکەڤە، مللەتەکی دارازخوارنی مرنێیە. د زایینا وی دە پەند و د مرنا وی دە ژیر هەیە. رۆناکبیرێ مەزن جەلادەت ب گرینگیا چاند و رۆلا چاپەمەنیێ د شیارکرن و رزگارییا گەلان دە زانبوو و ئەو باشترین رێ ژ بۆ ناسکرنا کوردان ب جیهانێ نرخاند. گۆڤارا وی یا ب ناڤێ هاوار، ل ناڤچەیەکە بەرفرەها کوردستانێ و بەشەکە جیهانێ جهــ گرت و بەلاڤکرنا وێ ژ شامێ هەتا کوردستان، لوبنان، حیجاز، مسر، فلستین، عیراق، ئیران و ئامەریکا گهیشت. ل کوردستانێ هەر چقاس گۆڤار ل سەرۆکێن عەشیران، هنەک دکتۆر، رەوشەنبیر، هەلبەستڤان و سەربازان هاتبە بەلاڤکرن ژی، ئەم دکارن ببێژن کو ئەڤ گۆڤار ل هەموو بەشێن جڤاکا کورد هاتییە بەلاڤکرن. گۆڤارا هاوارێ ب دو رەنگان دهات بەلاڤکرن.

یەکەم: ب ئاوایەکی فەرمی د ریا پۆستێ رە دهات رێکرن.

دویەم: ب دەستان و د ریا هن وەلاتپارێز، کوردپەروەر و زمانحەزان رە دهات بەلاڤکرن.

لێ چقاسی بەحسکرنا خوەدیێن ڤان ناڤان – یێن کو مرنە – ژ بۆ وە خوەندەڤانان نە گرینگ بە ژی، لێ چاڤدێریا تەڤگەر و بەلاڤکرنا گۆڤارێ ل هەرێمەک مەزنا خاکنیگاری و ناسکرنا وێ ژ بۆ لێکۆلینەر و نڤیسکاران پر گرینگ و هێژایە. ئەڤ لێکۆلینا یەکەمە، کو بەحسا ئالیێ فەرمی، شەرت و مەرجێن وەشانێ و بەلاڤبوونا خاکنیگاری یا گۆڤارا هاوارێ دکە. ژ بەر ڤێ یەکێ، دبە کو ژ بۆ لێکۆلینەر و نڤیسکاری هێژایی دیرۆکی بە و ژ بۆ لێکۆلینەرێن پێشەرۆژێ ببە چاڤکانییەک و ژ بۆ رەوشەنبیر، دیرۆکناس و لێکۆلینەرێ کورد هەموویان سوودمەند بە. ل ژێر نڤیسا بەڵگەیێیە، کو جهــ، ناڤێن کەسایەتییان و ئابۆنەیێن گۆڤارێ ژ ئارشیڤا رەوشەن بەدرخان هاتییە وەرگرتن.

نەخشەیا خاکنیگاریێ یا ئابۆنەیێن گۆڤارا هاوارێ

سووریە – حەسەکێ: حەسەن ئاغا حاجۆ (پەرلەمانتارێ جەزیرێ) – محەمەد حەمزە (رێڤەبەرێ دبستانا ئەلئکمەلیە) – تەوفیق جەمیل بەگ (ئەندامێ شارەداریێ) – سەرگەنت هاننا سەفەر، ب.د.ل. ب.پ.م. ٣/١٠ – مەدەنی رەسوول (مامۆستایێ دبستانێ) – مەلەک لۆکۆ شالمۆن بەدری (گوندێ تەل هورمز – ناڤچەیا تەل تەمر) –  ساموئەل گلبانا (گوندێ تەل رومان – ناڤچەیا تال تەمر).

قامشلۆ: د. ئەحمەد نافز بەگ – عارف عەبباس بەگ – دەرمانفرۆش خەواجە سەمۆئێل شوکری – رەمەزان ئیبراهیم عەزم (جەردەڤان ل دائیرەیا رێجێ) – شێخ محەمەد زەکی (ژ ئالیێ د. ئەحمەد نافز بەگ) – ئەحمەد نامی (قەرەقۆلا بوێر – گوندێ تەل شائر) – عەبدولرەحمان ئاغا عەلی یوونس (ژ ئالیێ د. ئەحمەد نافز بەگ) – محەمەد عەلی ئاغا عەلی یوونس (ژ ئالیێ د. ئەحمەد نافز بەگ) – سەرباز شەوکەت، ب.د.ل. س.پ. ٦١٥ – عەبدولحەمید شێخ تاهر پالۆیی (ژ ئالیێ عەبدی محەمەد کەوکەب – عەلی عەبدی ئاغا (موختارێ گوندێ تەل شائر – قەرەقۆلا بوێر) – خەواجە سەعید زەهدۆ – نوورەدین یووسف – سەلیم شێخ محەمەد حوسنی – (ژمارا سندۆقا پۆستێ ٢٤) – بازرگان یاقووب شەمعوون، (ژمارا سندۆقا پۆستێ١) – بازرگان یووسف میرزا (خان ئەلگومرک) – بازرگان محەمەد میرزا (خان ئەلگومرک) – بازرگان ئەحمەد مەلا تاهر (خان ئەلگومرک) – عەبدولباقی بەگ نیزامەددین (جیگرێ جەزیرێ) – عزەددین ئاغا ئۆمری – عزەددین کوڕێ شەریف ئۆسمان ئەلمحەمەد جەزیری (ژ ئالیێ د. ئەحمەد نافز بەگ).

قوبوور ئەلبید: جەمیل ئاغا حاجۆ – محەمەد شەریف ئاغا حاجۆ (گوندێ مەشووق) – چاچان ئاغا حاجۆ (گوندێ مزگەفتێ) – شوکری ئەمین ئاغا (گوندێ قەترانی دەشتا) – هۆران ئۆسمان – فائق ئاغا ئەحمەدێ ئیسکان – خەواجە بوولۆس لەهدۆ – سەرحان ئەمین بەکتاش – خەواجە بوولۆس ئیلیا (گوندێ شەلهوومیە) – سەبری سلێمان (د ریا عەزم ئیبراهیم عەزم – دکانچی).

عاموودێ: هەلبەستڤان جەگەرخوینێ کورد – محەمەد عەلی حەجی شێخمووس ئاغا – حەجی شێخمووس ئاغا حەجی خەلەف – حەسەن هشیار – شێخی عەبدولقادر – یووسف حەجی هەرسان – حەجی عەبدولکەریم سەرجی – عابدێ تێلۆ – هارووش خاچادووریان – شێخۆ کورۆ – عەزیز عەبدولکەریم داری – محەمەد هاشم سەیدا (د ریا یووسف حەجی هەرسان) – محەمەد عەلی مەحموود – سەعید ئاغا محەمەد (پەرلەمانتارێ جەزیرێ) – حوسەین ئۆسمان حوسەین – مەلا ئەحمەد (ژ ئالیێ عەلی نەجار مەرجی) – مامۆستا محەمەد رەشید خەلیل (ژ ئالیێ حەسەن هشیار) – ئۆسمان حەجی ئەحمەد (د ریا یووسف حەجی هەرسان) – خەلیل محەمەد عیسا (د ریا یووسف حەجی هەرسان) – ئیبراهیم حەجی هەرسان – مەلا ئەحمەد (پێشلمێژێ گوندێ تۆپوزا ژێری – د ریا حەسەن هشیار) – شێخ عابد بریفکانی (کارمەندێ بەرهەمانینا چاندنیێ) – نوورەددین مەلا مەحموود – ئیبراهیم عیسا – ئۆمەر شێخمووس – سالح شێخمووس مووسا – حەجی عەبدولکەریم – سافی خەلیل حەسەن – مەلا سالح ئیسماعیل (د ریا حەسەن هشیار) – مەلا عەلی (گوندێ تۆپوز) – مەلا فەتحوللاهــ (گوندێ تەل خەنزیر). مەلا رەشید (گوندێ شەما) – عەلی ئیبراهیم ئاغا حەجی چۆلی (گوندێ تەل حەمدوونێ) – شێخ ماسووم حامدی (گوندێ تەل خەنزیر – قەرەقۆلا شاخر بازار) – عابدی بەرەکات (گوندێ شاخر بازار) – قاسم حەجی عەلی (گوندێ گعێد).

دربێسیێ: عەلی حەسۆ (موختارێ گوندێ تەل خەزال) – ئەکرەم بەگ جەمیل پاشا (د ریا خۆرین فەرمانیان) – ئەکرەم بەگ جەمیل پاشا (د ریا خۆرین فەرمانیان) – بەدری بەگ جەمیل پاشا (د ریا خۆرین فەرمانیان) – محەمەد بەگ جەمیل پاشا (د ریا خۆرین فەرمانیان) – محەمەد عیسا جەنگباز (د ریا یووسف ئاغا دێرکی) – یووسف حەسەن درباس ئاغا (سەرۆکێ کوردێن دێرکییە) – بەشیر حەمۆ (د ریا دکانچی مەلا بەشیر – قەرمانیێ) – سەعید ئاغا ئۆسمان (د ریا سەفەر خەزال) – ئامۆ جلینی (گوندێ دەحلک – د ریا حەجی خەلیلێ خورسی) – عەبدولهادی محەمەد (گوندێ گرکوندێ).

دێرک: عەبدولرەحمان رەسوول ئاغا – عەبدولکەریم مەلا سادق (جیگرێ دیجلە – عەین دیوار) – عەگید ئاغا محەمەد (مەرزعە) – فەتاح مەلە سادق (عەین دیوار) – شێخ ئەحمەد شێخ عەبدوللا نووری (موستەفاویێ).

سەرێ کانیێ: ئۆسمان خەلیل – عەبدولقادر بزر – جەمیل ئاغا حەجی – حەبیب مەریمۆ.

بابێ: ئەحمەدێ حەجی عەلی (گوندێ قوببەت ئەلشێخ).

کۆبانی: موستەفا شاهین بەگ – بۆزان شاهین بەگ – حەبەش ئیسماعیل – سامی بۆزان (کارمەندێ دادگەها جەزایێ سولهێ) – نعسان فندی – عسمەت شاهین.

کورداخ: شێخۆ ئاغا شێخ ئیسماعیلزادە (جیگرێ کورداخ) – فائق ئاغا مەنان (جیگرێ کورداخ) – جەمیل دەرویش ئاغا (سەرۆکێ کوردێن ئێزدی – عەفرین) – خەلیل ئاغا سیدی مەمی زادە – عەفرین) – ئیبراهیم قادرۆغلی (راجۆ) – رەشید حەمید (گوندێ سولاقلی – بلبلێ).

حەلەب: د. ئادۆر قەباقیان (جادەت خندک) – د. محەمەد نووری بەگ، (دێرسمی) (ئدلب) – راشد جلعۆ (مالا مامۆستایان – پۆلا دویەم) – هەراچ پاپاسیان (جیگرێ حەلەبێ).

هاما: موحیەدین پالۆیی (والیێ دائیرەیا رێجێیە).

هوموس: خەلیل هووریێ (شتلخانەیا چاندنیێ).

شام:  خالد قۆترەش (تاخا کوردان) –  عەلی بەگ بۆزۆ (تاخا کوردان) – محەمەد ئیبش (تاخا کوردان) – سلێمان قۆترەش (تاخا کوردان) – یووسف بەگ بەدرخان (تاخا کوردان) – خالەب مووریکی (تاخا کوردان – دکانا باڤێ ئۆمەر) – عەلی دیاربەکری (ئەکراد – زەینەبیێ – دکانا بەربەر خەلیل) – نادی سپۆرێ یا هەنانۆ (ئەکراد – جسر ئەلنهاس) – نادی سەلاحەدینا چاندی (ئەکراد – جسر ئەلنهاس) – لیۆتنان بەکری قۆترەش (ئەکراد – جسر ئەلنهاس) – مرعی جومعا ئەلدێرکی (ئەکراد – جسر ئەلنهاس) – جەمیل مێقەری (مزگەفتا سەعید پاشا ژ بۆ سامی ئالا رەشی) – بەدیع دێرکی (مزگەفتا سەعید پاشا ژ بۆ سامی ئالا رەشی) – ئەحمەد ئاغا عیسا ملی (مزگەفتا یوونس ئاغا) – محەمەد ناسر زلفۆ (جسر ئەلنهاس) – میرزا جەعفەر ئەلحەسەنی (رێڤەبەرێ مالا شوونوار – شارەداری) – هاروون بەگ باتووق (رێڤەبرێ دبستانا ئەلرەشید- قەیمەریێ) – نوونەرێ کۆمارێ – جیگرێ کۆمارێ – بیانی – مەحموود ئەلکوردی (تاخا ئەلوەرد – بازارا سارووجە) – ئەنستیتویا فرانسی (قەسر ئەلعەزم – بزووریێ) – کەریمات مستەفا بەگ ئەلقەبانی (بەر ب پەرلەمانتۆیێ ڤە) – دبستانا بلندا عەرەبی (ئاڤاهیا ئەللاییک) – غالب بەگ میرزۆ (پرا ئەلئابیاد – نووری پاشا) – محەمەد دیاربەکری (دیوانا شێورمەندێ زانینێ) –  فایز کومنەقش (بازارا ئەلهال) –  حەسەن شەوام – مقداد بەگ جەمیل پاشا (پرا ئەلئەبیاد – بوستان ئەلرایس) – رۆژنامەیا ئەلئەخبار (شارەداری) – عەلائەددین (کۆلانا بەغدادێ) –  عەبدولقادر عەزیز (ئەکراد – پرا ئەلنهاس) – مەحموود رەجەب زلفۆ (ئەکراد – پرا ئەلنهاس) – بورۆیا نووچەیێن شەرا دەولەتێن یەکبوویی.

قەتەنا: لییۆتنان عەبدلقادر باراڤی.

دووما: د. محەمەد خدر بەگ.

قونەیترا: د. موحیەدین بەگ میرزۆ.

دەرعا: مەمدووح سەلیم بەگ (رێڤەبرێ دبستانا ئەلئیکمالیە) – ئەیووب شێخانی (جهێ وی کەرکە).

بەیرووت: مستر میسیۆنا لاخەڵەس سپەئارس – حاجی نوور ئەلکوردی (سووکا ئەلهۆلعسوور) – ئنستیتوتا (Hrancais Daet-rchiolagir) ل بەیرووت – لوبنان.

تەرابلوس ئەلشام – لبنان: لە رەڤەرەند پەرە بۆئس(Le Reverend Pere Bois) – میسسۆن دۆمنیکان(Mission Dominicaine).

مەککە – حیجاز: محەمەد تاهر ئەلکوردی (زانینا گشتی).

قاهیرە – مسر: محەمەد عەلی عەونی بەگ (وەرگەر ل دیوانا مەلک – سارای عابدین) – د. خالد بەگ بەدرخان پاشا (سەیدە زەینەب) – عەبدوللا ئۆمەر (ئەندامێ شاندا عیراقی – کۆلیژا شەریعەتێ)، ژ ئالیێ شێخ ئۆمەر وەجدی – رواق ئەلئەکراد – ئەلئەزهەر).

ئسکەندەریێ – مسر: سەدیق شێخ محەمەد تاهر (زانینگەها فارۆق ١ – شاخا خاکنیگاریێ).

قودس – فلستین: (The gewish National and University Library gerusalen) – یووسف ئەستفات (تاخا ئەلنەمر – ئەلباتائا ئەلتەحتانی).

یافا – فلستین: عەبدوللا سولەیمان بەگ. ژمارا پۆستێ ٦٣٦ە.

نیویۆرک – ئامەریکا: جۆرج رۆبنسۆن (Jranian Jnstitute 724 Filth avemue New-york. U.S.R).

بەغدا – عیراق: تەوفیق وەهبی بەگ – عەلی حەمدی بێدوهی (کارمەندێ مدووریەتا گشتی یا تاپۆیێ یە) – سەعید بەگ قەزاز (ئالیکارێ مدوورێ گشتییێ ناڤخوەیی) – عەلی یاسین (جهێ وی ئەلتووەیس، ژمار: ٢٨/٤٩) – جەعفەر محەمەد سلیڤانی (رێڤەبەریا رێهەسن) – یانەیی سەرکەوتن (یانەیی سەرهلدانا کوردی) – مارۆف جیاووک بەگ (وەزارەتا دادێ) – بەشیر موشیر بەگ (یانەیی سەرهلدانا کوردی) – رێڤەبەرێ گۆڤارا کوردی گەلاوێژ (خان ئەستەر ئابادی هەژمار ١٤) – حەجی عەلی حەیدەر (رەسیف ئەلگومرک) – عەقید عزەت تەوفیق بەگ (فەرماندارێ تۆپخانەیێن لیوایا یەکەم) – سەرۆک فوئاد عارف بەگ (فەرماندارێ سریەتا ئینزیباتا پایتەختە) – سەرفەرماندارێ یەکەم، سەرفەرماندار عادل ئەحمەد راغب بەگ (مووقەدەم لیوایا یەکەم، ئەلموسیب) – د. فادل رەشید ئەلعەقراوی (نەخوەشخانەیا ئەلمەجیدیە) – مەتا هاننا جزراوی – سەرۆکێ یەکەم ئافرام هندۆ (دبستانا چەکێن سڤک) – ئەندازیار رەشید عارف (خان شابەندەر) – عەلی کەمال بەگ (خان ئەستەر ئابادی) – ماجد بەگ مستەفا ئەلسەلیخ – سەمعان فەرجۆ جزراوی – موسلح بەهائەددین ئەلنەقشەبەندی (فاکولتەیا حقووقێ) – رەشید باجەلانی – کاکا حەمە سەیید ئەحمەد خانقاهــ – جەلیل هۆشیار – مەسعوود شێخ بەهائەددین نەقشەبەندی – ئۆسمان مستەفا – جەلال حەمید بەگ جاف – بورهان حەمید بەگ جاف – محەمەد سەعید ئیبراهیم خەفاف – تاها محیەددین – غازی عەزیز دزەیی – ئەحمەد کەریم شەریف – موکەرەم تالەبانی – زەید ئەحمەد ئۆسمان – نووری تەوفیق – جەعفەر محەمەد سلیڤانی – حوسەین حەجی حەسەن (مالا مامۆستایێن بلند) – جەمیل رەشید ئەلئامادی – سەدیق عەبدولرەحمان ئەلئەترووشی – سادق بەهائەددین – سالح عەبدوللا ئەلیووسف (کۆلێژا دار ئەلعلوم) – سالح رەشید – هدایەتوللاهـ ئەلحوسەینی (فاکولتەیا ئەندازیاریێ) – مستەفا محەمەد عەلی – محەمەد رەئووف شالی (خان جەعفەر) – دەروێش عەبدوللا ئەلجەبباری (ژ ئالیێ لازم ئاتتار بوستان ئەردروملی، کەرخ). جیگر سددیق سەید تاها (مەجلسا نوونەران) – وەزیرێ کارێ هوندرێ ئەدمۆندس.

کەرکووک – عیراق: جەلال قەفتان (دەرمانفرۆش ل نەخوەشخانەیا قرالیەتێ) – شێخ عەبدولکەریم بەرزەنجی (قادر کەرەم) – سەمعان لاتی جزراوی – سەرۆک عەبدوللا سەعید بەگ (فەرماندارێ بەتاریا سەحرا، ئالایا ٣) – سەرۆک شێخ ئەڤدلقادر محەمەد بەگ (فەوجا ١، ئالایا ٤) – سەرۆک ئەحمەد کەمال بەگ (ئالایا ٤) – سەرۆک محەمەد عەلی بەگ (ئالایا 5) – سەرۆک حاج ئەحمەد بەگ ئەلعەقراوی (٩ەمین ئالایا سەحرا) – مووقەدەم ئەمین بەگ رەواندزی (فەرماندارێ فەوجا٢ – لیوایا ٥) – مووقەدەم شەوکەت ئۆسمان بەگ (ئالایا ٥) – مولازمێ یەکەم عەزیز عەبدوللا (ل گەل فەرماندار، فرقەیا ٢) – مولازمێ یەکەم رەئووف ئەحمەد (فەوجا٢، لیوایا ٥) – مولازمێ یەکەم خەیری سالح (بارەگەهێ لیوایا چارەمین) – مولازمێ یەکەم عەلی عەبدولعەزیز (فەرماندارێ فرقەیا پێنجەمین) – مولازم سەیید عەزیز عارف (فەوجا پەروەردەهیێ، ئالایا ٥) – سەرباز جەلال محەمەد بالەتەی (فرقەیا ٢) – مولازم جەمیل محەمەد بالەتەی (فرقەیا ٢یەمین) – مولازم فەتاح شالی (فرقەیا ٢یەمین). مولازم عززەت مەجید (ئالایا ٤) – مولازم حەمید تاهر (ئالایا ٤). مولازم جەلال قادر (ئالایا ٥) – سەرباز روستەم ئافراسیاب (ئالایا ٥) – سەرباز یووسف محەمەد عەلی (ئالایا ٥) – سەرباز عەبدولکەریم قاسم (ئالایا ٥) – دکاندار مستەفا فەقە محەمەد (تەوووخ، قادر کەرەم) – ل. کۆلۆنێل لیۆن (ئۆفیسا سیاسی یا کەرکوکێ) – وینگ کۆماندار جۆنسۆن(R.A.F. c/o H.Q-R.A.F.) – وینگ کۆماندار دۆنەوەل(R.A.F. c/o H.Q-R.A.F.).

زاخۆ – عیراق: محەمەد عەبدلقادر – حوسنی رەشید –  خەلیل رەشید – والی یووسف عەونی بەگ –  هاشم نجم – هشیار حازم بەگ – ئیبراهیم رەمەزان – سەعید حاجی یوونس – خەلیل هیدایەت – محەمەد سەعید – عەبدوللا رەسوولی – سامی محەمەد هەنجەس –  خالد حەسەن (مامۆستایێ دبستانا باتوفە) – شاکر سەعدی – نەجم حەجی عەبدولقادر – خەلیل هشیار –  شەفیق یەحیا – عەبدی ئاغا جەمیل ئاغا (سەرۆکێ عەشیرا سندی) – عەبدوللا ئەحمەد ئەلبازرگان – د. وەدیع جزراوی – حەجی ئاغا شەمدینان.

هەولێر – عیراق: سەرۆک فەتاح رەشید بەگ (ئالایا ٤) – سەرۆک سەبری رەشید بەگ (ئالایا ٤) – مولازم ئۆسمان ئەحمەد بەگ (ئالایا ٤) – سەرباز خۆسرۆ حاجی ئاغا (ئالایا ٤) – سالح بەگ میران رەشید بەگ – پارێزەر محەمەد تاهر ئەلشێخ عەبدولرەحمان ئەلئەترووشی – پارێزەر موستەفا محەمەد ئەلعەزیزی – وێنەکێش عەبدولرەحمان ئەلموکریانی – ئیسماعیل حەسەن شەعبان (دەستەیا دارستانێ) – میران ئۆسمان بەگ قادر بەگ – حەجی ئاغا چەقەل ئاغا دزەیی – خورشید نوورەددین رەشید ئاغا – کەمال ئۆسمان ئاغا – قەرەنی نافع رەشید ئاغا – رەشید عەبدولقادر – تاهر رەشید ئاغا دزەیی – جەوهەر حوسێن مەلا ئاغا دزەیی – رەقیب حوسێن مەلا ئاغا دزەیی – ئەنوەر حوسێن مەلا ئاغا دزەیی – مەجید جۆکول ئاغا دزەیی – ناسح رەشید – سەعدەددین شەریف – عەزیز خورشید ئاغا خۆشناو – ئەنوەر محەمەد ئەمین ئاغا دزەیی – یەحیا موسلم ئەلهەدایا – مەحموود محەمەد ئاغا – تاهر سلێمان چەلەبی – عەزیز فەتاح – نافع یوونس – خدر حەسەن – رەفعەت ئیسماعیل – جەمال جەمیل ئەلمودەرس – ئۆمەر عەلی ئاغا دزەیی – حزنی ئەلموکریانی (د ریا وێنەکێش عەبدولرەحمان ئەلموکرەیانی).

ئامێدیێ – عیراق: سالح عەبدولعەزیز ئاغا – ئەحمەد حەجی عەبدوللەتیف،  تاهر روشدی – یوونس ئەمین – حەسەن مستەفا – ئەسعەد ئەحمەد (کارمەندێ دادگەهێ) – محەمەد رەشید حەسەن – ئەحمەد حەجی شەعبان – شەعبان خالد ئەمین –  عەبدولرەحمان حەسەن – سەعید تاهر ئاغا – حەسەن خەلیل – سەیید رەشید – سەعید ئەمین حەجی عەبدوللا – نوعمان ئەمین – محەمەد حەجی شەعبان ئاغا –  جەمیل بەهائەددین –  عادل هورمز – ئەحمەد بەگ حەجی رەشید بەگ (سەرۆکێ عەشیرا بەرواری بالا) – سەعید شێخ بەهائەددین ئەلنەقشەبەندی (بامەرنی) – شێخ غیاسەددین ئەلنەقشەبەندی (بامەرنی) –  تاها شێخ مەزهەر – عەبدوللا خالد – شێخ بەشیر شێخ تاهر – سەعدوللا سددیق ئاغا (نێروە رێکان) – تاها محەمەد (نڤیسکار ل ناڤچەیا بێبۆ – نێروە رێکان) – شێخ بەشیر شێخ عەبدولرەحمان (ئاڤێ دەردخە) – مەلا ئەنوەر شێخ تاهر ئەلمایی (بەرواری بالا) – تاها شێخ مەزهەر نەقشەبەندی (کانی ماسێ – بەرواری بالا) – مەتران هەننا (ئەرادن) –  شەمعوون (مامۆستایێ دبستانا کانی ماسێ) –  ئەحمەد حەجی (مامۆستایێ دبستانا کانی ماسێ). سەرۆک مەجید عەلی بەگ (ئەفسەرێ پێوەندییان).

سلێمانی – عیراق: حەجی تەوفیق بەگ پیرەمێرد (خوەدیێ رۆژناما ژین یا کوردی) – حامد فەرەج بەگ (ئالیکارێ مدوورێ پۆلیسان) – عەلی جەمیل سائب – محەمەد عەبدولقادر خەفاف – سامی محەمەد ئەمین (نڤیسکار د دائیرەیا زانست دە) –  ئیسلام محەمەد ناسر (مامۆستا ل دبستانا هەلەبچە) – جیگرێ سەرباز شوکری محەمەد عەلی (دەستەیا سەرباز گرتنێ) – پارێزەر عەبدولقادر ئاغا حەج مەلە موحیەددین – زەعیم شێخ مەحموود (دارەکەلێ) – پرتووکخانەیا زانینێ (خوەدیێ وێ نووری) – پرتووکخانەیا ئازادی (خوەدیێ وێ عەبدولرەحمان خدر) – محەمەد کەریم ئاغا – محەمەد فەرەج شالی – جەمال ئیبراهیم ئاغا – محەمەد نووری عەللاف (هەلەبچە) – سەلیم بەگ ئەمین بابان (د ریا میرزا روستەم) – رەفیق حلمی بەگ (موفەتشێ مەعارف).

رانیە – سلێمانی – عیراق: فەوزی رەشید نامق (خوەندەکارێ دبستانا رانیە) – ئیسماعیل سەرهەنگ (خوەندەکارێ دبستانا رانیە) – کەمال رەئووف بەگ بابان (خوەندەکارێ دبستانا رانیە).

مووسل – عیراق: (Public Relation Section British Konsulat) – (Major Mac Nearnie Assistant Political Officer) – عەلائەددین سەعید (دبستانا ئامادەکارا ناڤەندی) – ئیسماعیل سەعید ئاغا دۆسکی (دبستانا ئامادەکارا نەتەوەیی) – سەربازێ یەکەم تاها مستەفا (کامپا ئەلخەزلانی) – سەربازێ یەکەم عەبدولرەحمان تەیب ئەلموفتی (کامپا ئەلخەزلانی) – ئەحمەد مستەفا (کارمەندێ دائیرەیا دادگەهێ) – محەمەد شاهین میرزا (ب ریا مەلا خەلیل توتونجی – بازارا ئەلمەیدان) – رەمەزان موحسن (دبستانا ئامادەیی) – مامۆستا محەمەد عەبدولقادر ئەرمەغانی (دبستانا ئامادەیی) – حوسەین تاها ئەلکەتانی (چاڤدێرێ دارستانێ) – مامۆستا مەلا ئەحمەد ئەلگۆیی (ل بەر مزگەفتا مەحەللا ئەلمەکاوی) – پارێزەر عەبدولمەجید رەشید بەگ – پارێزەر شاهین میرزا ئەلسووفی – مەلا ئەسعەد (ژ ئالیێ  ئەرمەغانی (دبستانا ناڤین) – مەلا سبغەتوللا.

دهۆک – عیراق: محەمەد سالح جبرائیل –  سبغەتوللا موفتی – ئیسماعیل سەعید ئاغا گەرماڤی – نوورمحەمەد ئەلشێخ عوبەید ئەلبریفکانی – زەین ئەلعابدین شێخ نوورەددین ئەلبریفکانی – شێخ مەمدووح ئەلشێخ نوورەددین ئەلبریفکانی – سەعید ئاغا دیوالی (سەرۆکێ عەشیرا دۆسکی) –  ئەحمەد حەجی (مامۆستایێ دبستانا بریفکان) –  مەلا خەلیل (گوندێ کۆرەمارک) –  خووری یووسف –  مەلا عەبدولهادی (ل بەر مزگەفتا حەجی مستەفا) –  عەبدولمەجید ئەلکەمەکی (ژ فەقە شوکری ئەلتەهافی) –  ئیسماعیل ئەعیان (مامۆستایێ دبستانا دهۆکێ). عەلی حوسێن کاوا (خوەدیێ گازینۆ رۆژهلات) – محەمەد سالح حوسێن (ژ فەقە شوکری – گرمادە) – نعمەت ئەحمەد سولتان (ژ فەقە شوکری) – یووسف میرخان – عەبدوللا نەبی – محەمەد ئۆمەر.

شنگال – عیراق: سەرۆک د. جەعفەر محەمەد کەریم بەگ.

بەسرا – عیراق: محەمەد ئاغا زادە توتونجی ئەحمەد ئەلکوردی (ناڤچەیا ئەلزوبێر) – ئەحمەد محەمەد ئاغا پایەشاز (کۆلانا ئەبوو ئەلئەسوەد، ژمار: ٣٨/٩).

کویسەنجەق – عیراق: حەمەزیاد حەمەئاغا غەفووری – عەبدولرەحمان حەجی ئەسعەد – عەبدولحەمید حەجی تەوفیق – کاکە حەجی مەحموود – ئەلبازرگان عەبدولرەحمان –  سابر حەجی ئیبراهیم.

رەواندوز – عیراق: شێخ عوبەیدوللا زەینۆ – سەرۆک مەعرووف بەگ شێخ غەریب – پرتووکخانەیا سەرکەوتن (نووڤەکرن). مەتران مار یووسف (مەترانێ شەمدینان).

عەقرە(ئاکرێ) – عیراق:  مستەفا پێداوی (مامۆستا ل دبستانا زەنگەنە) – مەلا سەعید ئەلقادی – عەبدولرەحمان ئالی ئەلئەرمەغانی –  سامی سەبری (مامۆستایێ دبستانا ئاکرێ).

جەلەولا – عیراق: سەرباز ناجی حەسەن ئەلئامادی (ئالایا سەحرایێ یا ١ – کامپا جەلەولا).

دیوانیە – عیراق: عەقید نووری محەمەد بەگ بابان (فەرماندارێ لیوایا ١٥) – سەرباز زاهد محەمەد سالح (سەماوا، ئەلحامیە).

خانەقین – عیراق: عەبدولعەزیز فەوزی نوورمحەمەد.

حەبانیە – عیراق: ماجۆر زیا (فەرماندارێ هێزا ئەللیفی) – مەلک یاقۆ مەلک ئیسماعیل – سەرباز جاسم بەگ.

زێبار – عیراق: سەرۆکێ یەکەم، پللار عززەت بەگ عەبدلعەزیز (بلێ) – سەرۆک مستەفا خۆشناو بەگ (بلێ) – محەمەد سالح شەعبان (بلێ) – مەلا مستەفا بارزانی (بارزان) – شێخ ئەحمەد بارزانی (بارزان). شەوکەت نوعمان (کارمەندێ تەجنیدێ، بلێ).

تەهران – ئیران: رەشید یاسەمی، زانینگەها تەهرانێ – کۆلانا شەهرەزا کوچە ئەنوار، هەژمار (٣٩)، سەردار رەشید – کۆلانا ناسر خۆسرۆ، مهمانخانێیێ فارسی، سولتان عەلی خان، ئەردەلان پۆر – سەرچێشمێ، کۆلانا نێزامیێ، کۆچە ئاهەنگیان، ژ ئالیێ ئیسماعیل خان نەجەفی، ئحسان نووری پاشا.

کەرمەشان – ئیران: رێڤەبەرییا سلێمان خان بەهرامی – د. عەبدلکەریم سەعیدی – کۆلانا سەبا ب ریا سلێمان خادم دگهێژە ئیبراهیم نادری – کۆچبەرێن دەرایێ ب ریا سلێمان خان بەهرامی دگهێژە رزا موعتەمەدی.

هەمەدان – ئیران: ئۆفیسا تاوانان یا هەمەدان کاک مەحموود کرمانج – نڤیسگەها تاوانێن هەمەدان کاک تەوفیق ئەمینیان – مالا شەریعەتێ یا کاک مەحموود سۆلتانیان – ساری حسێن خانی کاک سەعید عەزیزی – دەزگەها پەروەردەیا کاک عابدی – رێڤەبەرییا شارەدارییا کاک هاشم جەعفەرزادە – ئۆفیسا کاک غەفوور یووسف – کۆلانا عەبباس ئاباد، خۆسرۆ ئەراکی، کیقباشی.

سنە(سەنەندەج) – ئیران: ئۆفیسا شەهابەددین مێهی – شێخ محەمەد مەهدی ئایەتوللا مەردۆخی – مالا تامیرێ یا تەقوول غولامعەلی ئەیووب – دەزگەها خەزینەیا سالح ئاقلیدی – رێڤەبەرییا خواربار محەمەد سەحیحی – رێڤەبەریا خواربار عززەتوللا شووجاع ئەردەلان – ئیمام جومعە موجتەهدی، کارمەندێ فەرمی – لیوا مامۆستا ناسر ئازادپۆر – دەزگەها دارائی سەدیق مودیر – دۆزگەریا سەیید مەجید بەهمەنی.

سەقەز – ئیران: رێڤەبەریا ئیبراهیم مەدنژاد.

قەسر شێرین – ئیران: رەحمان حاتەم.

مهاباد – ئیران: مەلا مەعرووف کۆکەیی.

رەوانسەر – ئیران: ب ریا ئاداهــ باست و تەلگرافێ، دێ دەولەتا ئاباد راستەراست بگهێژە سەیید تاهر میرزادە هاشمی.

سەنقەر کلیائێ – ئیران: عەبدولسەلام موعتەمەدی (دەزگەها دارایی).

گیلانغەرب – ئیران: ب ریا ئەحمەد خان رزایی بگهێ دەستێ یەدوللا رزایێ کەلهۆر.