هەرێما كوردستانێ د چاڤێن قازییێ قازییێن داعش (بابێ وەلید)ی دا

د. مەحموود زاید – قاهیرە

وەرگێڕان:  ئیسماعیل بادی

ب وێ پەژراندنا بینەرێن زنجیرەیا (شەڤا كەفتنێ/ لیلة السقوط) ب رۆلێ هەردو هونەرمەندێن مصری (ئەحمەد صيام و طارق لۆتفی)، ئاخفتنا هونەرمەند ئەحمەد صيامی ئێك ژ قارەمانێن زنجیرێ ئەز ئازراندم ژ دیتنێن وی ل دۆر هەرێما كوردستانێ و گەلێ كورد؛ د ماوەیێ سێ هەیڤان دا، كو ئەو لوێرێ ژیایە دەمێ وێنەكرنا زنجیرێ ل ساڵا 2021ێ، كو ل ناڤبەرا هەولێر و ئاكرێ و شەقلاوێ و دهۆك و شێخان و جهێن دیتر دهات و دچوو. هەلویستێ خۆ ب گۆتنا خۆ ب كورتی دا دیاركرن: «ب ترس و هۆشیاری و رەنگڤەدانێن نەئارام ل دۆر كوردا و كوردستانێ. من گەڕیان دەستپێكر. پاشی چەوا ئەز گەهشتمە فرۆكەخانەیا هەولێرێ و گەڕیانا من ل پایتەخی؛ ئەز حێبەتگرتی بووم ژ وێ قەبارێ من دیتی ژ ئاڤەدانكرن و روحا سمفۆنیا پێكڤەژیانێ د ناڤبەرا هەمی پێكهاتەیێن نەتەوەیی و ئایینی و مەزهەبی دا.. ب ڕاستی من هەست پێ كر ئەزێ ل سوێسرا.. ئەز هزر دكەم بەرپرسێن هەرێما كوردستانێ و گەلێ وێ ؛ دێ پتر كارێ بێ ڕاوەستیان ئەنجامدەن و دێ ژ دوبەی و هندەك باژێرێن خەلیجی پتر سەركەڤیت».

 ئەڤ ئاخفتنە د وێ دیدارا ئەڤرۆكە دا سەیدا شێركو حەبیب – نوینەرێ پارتی ل مصرێ – ل گەل مە دا كری و رۆژنامەڤان حسێن موتەوەلی بەرهەڤكری، ل جهەكێ خۆش و دلڤەكەر ل باژێرێ شێخ زاید و پتر ژ پێنج دەمژمێرێن ئاخفتنا خۆش و سەرنجڕاكێش بێی وەستییان و زەحمەتی ب بەرهەڤبوونا هەڤژینا وی دكتۆرە و هونەرمەندا مصری رانیا فەتحوللا ڤەكێشا.

هونەرمەند ئەحمەد صیام ئاخفتنا خۆ ب لۆمەكرنا خۆ و گەلەك كەسێن د ناڤا هونەرێ مصری دا دەستپێكر، كو چەوان وان ل رۆژهەتا ناڤین ئەڤ دەڤەرا كوردان یا گەش ب سروشتێ خۆ یێ جوان هەیە، ئاڤاهییێن وێ یێن نێڤنیاس، باشییا خەلكێ وێ، جوانییا پێكڤەژیانێ، ئەو و یێن وەكی وی تشتەكی ژێ نزانن تنێ ئەوا لڤێرە و وێرا هە دهێتە گۆتن ژ هندەك پیزانینێن خراب و مەترسیدار و پەقاندنێ كو بەروڤاژی یا كەتواری یە.

د درێژییا دیدارێ دا، هونەرمەند ئەحمەد صیامی ب ئاقلدارییا خۆ یا سەركەفتی، رەوشەنبیرییا خۆ یا بەرفرەهـ، بیرتیژییا وی یا بەرهەڤ، رووحا خۆ یا ترانەكەر وەكی یا هەر مصرییەكی، رح سڤك، ب ڤێ پێكهاتا خۆ، (صیامی) ئەز كێشا مە سوحبەتا خۆ كا چەوا ئەو یێ دلخۆشە و رازییە ب ڕابوونا رۆلێ قازییێ قازییێن داعش «بابێ وەلید»ی د زنجیرا (شەڤا كەفتنێ) دا» نە  تنێ وی هەست پێكر كو یێ تێدا سەركەفتی بوویە وەكو هونەرمەند ل بجهئینانا وێ كەسایەتییێ و سەركەفتنا هەڤالێن وی د زنجیرێ دا، ب ڕەنگەكێ گشتی، بەلێ چونكی وی هەست پێ كر، وی پشكەكا ژ وی رۆلێ وی و ئەو ئەركێ ل سەر ملێن وی یێ مەزن بجهئینا  بۆ ڕایا گشتی یا عەرەبی و كوردی و مەسیحییان، نەمازە ئێزدییان ل شنگالێ و جهێن دیتر. دبێژیت: پرچا من سپی بوو و ئەز حێبەتی مام ل دەمێ مە بەرهەڤییا زنجیرەیێ دكر ژ وێ خواندن و گوهلێبوونا وان كریارێن داعش پێ رأبوویی ل گەل ئێزدییان، ئەوا د زنجیرەیێ هەمیێ دا هاتی تنێ پشكەكا كێمە ژ قەبارێ ڕاستییا دلئێش و ب ترس.

تشتەكێ دی یی گرنگ، هونەرمەند ئەحمەد صیامی دووپاتی ل سەر دكر، كو (شەڤا كەتنێ) بۆ گەهاندنا پەییكەكا گرنگ بۆ ڕایا گشتی یا جیهانا عەرەبی، یا سەركەفتی بوو، د رۆلێ مەزن ئەوێ مللەتێ كورد و هێزێن پیشمەرگەیی پێ ڕابوویین ل دژی داعش و بەرهنگارییا وان كری، ئو رۆلێ وان د حەواندنا ئاوارەبوویان دا، ئو چەوا حكومەتا هەرێما كوردستانێ یا بەخیل نەبوو ب هەر مالەكی و شیانەكێ بۆ رزگاركرنا ئێخسیر و قوربانییێن ئێزدییان ژ دەستێن داعش یێن تیرۆرستی.

ل دۆر پرسیارا مە ژ بۆ وی، وە ئنیەتا پشكەكا دی ژ زنجیرێ هەیە كاری تێدا بكەن؟ بەرسڤ دا: ئەز باوەر ناكەم، بەلێ نوكە لڤێرە ڤەكۆلینەك و بەرهەڤكرنەكا هەی، بۆ كارەكێ هونەری یێ مەزن – داخازا لێبورینێ كر ژ نەدانا پێزانینان ل دۆر ناڤەرۆكا وی بەرهەمی- بەلێ ئەز باوەر دكەم دێ یێ گرێدایی بیت ل دۆر مێژوو و خەباتا مللەتێ كورد، ئو گۆت: سروشتێ جڤاكێ كوردا یی زەنگینە و هەمەڕەنگە، كو هەر پشكەك ژێ هەژی هندێ یە، كو كارەكێ هونەری یێ تایبەت ل دۆر بهێتە چیكرن. وەكی رەوشت و تیتال، رەوشەنبیرییا فولكلۆری، وەبەرهێنان و گەشتیاری، سیاسەت و خەبات.

ب چارچووڤێ حێبەتیبوونا وی ب سەروبەرێ پێكڤەژیانا ئاشتی و دەروونی د ناڤبەرا كوردێن سوننی و شیعی و مەسیحی و ئێزدی و جوی و بەهائی و كاكەیی و یێن دیتر ژ پێكهاتێن  هەرێما كوردستانێ و تەڤاڤبوونا وان د ناڤبەرا خۆ دا، ل گەل سۆپاسدارییا حكومەتا هەرێما كوردستانێ و سەرۆك مەسعود بارزانی ل سەر پێشكێشكرنا پشتەڤانی و ب ساناهی ئێخستنێ بۆ وان ل ماوەیێ هەبوونا وان ل هەولێرێ..، د وی چارچووڤەیی دا، قازیێ قازییان (بابێ وەلیدی) گەلەك گازندە كرن ل سەر كەسێن خەمسار ژ خەلكێ كوردستانێ و بەرپرسیارێن وێ ل مەدحەپێكرنێ، كو وەڵاتێ وان سەربلندە ب هەبوونا سامانێن گەشتیاری و وەبەرهێنانێن سەرنجڕاكێش. هەروەسا داخواز كر ب گرنگییا دامەزراندنا دەزگەهەكێ رێكلامی تەكنیكی ل ئاستەكا بلند بۆ گەهاندنا پەییكێ بۆ تەڤاییا جیهانێ.

ئو دەما من پرسیار ژێ كری: بۆچوونا تە چییە ل هزركرنا هندەكا، كو هەرێما كوردستانێ دهێتە هژمارتن هەڤڕكەك بۆ وەڵات و مللەتێن دەڤەرێ؟ ب دەنگەكێ بلند وی نەرازیبوونا خۆ  دا دیاركرن، ب باوەری گۆت كو هەرێما كوردستانێ و مللەتێ كورد زێدەبوونەكا باشە و یا گرنگە بۆ دەڤەرێ و پێدڤییە ل سەر هەمییان ب دەنگەكێ بلند، كو هەرێم و مللەتێ كورد و وەبەرهێنانا وێ بكەن.

Check Also

رەوشەنبیری وەك دیاردەكا جڤاكی

حسام الدین فیاض وەرگێران ژ عەڕبی: مستەفا سەلیم ئاكرەیی رەوشەنبیری ئەو تێگەهێ سەیرە، ئەوێ كەسایەتیێ …