دراما کوردی بەر ب کیڤە (باڕۆڤە) وەک نموونە

پ. د. ئیبراهیم ئه‌حمه‌د سمۆ

بوونا دراما کوردی د بوونا هەبوونا وێدا؛ هندی نەبیت دراما نابیت، هندی هەبیت ئه‌گەر لاواز ژی ببیت، دێ ب هێز کەڤیت ل گەل بوورینا دەمی. دەم زامنێ بوونەکا ساخلەمە د ماوه‌یێ ڤان دو دەهەیێن بووری دا، دراما کوردی ب شێوەیه‌کی ژ شێوه‌یان؛ هەبوونا خوە هەبوویە و کارێن باش هاتنه‌ کرن، سەرەڕای نە بوونا تەکنەلۆجیا ئەڤرۆ د ڤان هەردو دەهەیێن دووماهییێ دا، دەزییێن وێ پتر ئاشکەرا بوون وەکو درامایەک تێر توخم و پتر کارڤەدان، ئەوژی پتر بوونا ڤان هەموو کەناڵێن ئاسمانی و ڵۆکاڵی و پتر فشارا شەقامێ کوردی کو دراما کوردی هەبیت و دراما دوبلاجکرییا بوویە سەرزمان و دویر ژ داب و نەریتێن مە، هەموو تێکرا ل گەل حەز و ڤیانا وەڵاتی، بوونە ئەگەر کو دراما کوردی بکەڤیتە سەر رێکا راست. دراما کوردی ب هەبوونا خوە یا کێم؛ شییا جڤاکێ کوردی نیشان بدەت و دەربڕینێ ژ کاودانێن کوردستانییا بکەت و ئاسۆیێن کوردستانێ بدەنە بەرچاڤ.

بێگومان ئەڤ بوونا هەنێ بوویە جهێ دلخۆشییا خەلکێ مە تارادەیێ لایەنێن نەرێنی بەحس نەکەن، بەس ئەرێنی بەحس بکەن وەکو جەماوەر و وەکو بینەر، لێ گرنگە ئەڤێن پسپۆر ب هێمنانە و ل سەر خوە بێنە قادا دان و ستاندنەکا ئارمانجبه‌ر ژێ دەستخۆشی و پاشى چ راستڤەکرن بهێنەکرن بۆ ئایندەیێ دهێت چ ب دووبارەکرن و راستڤەکرن یان ژی بابەتەک دیتر بینەرێ کوردستانێ ژ مێژ وەرە حەز دکەت چاڤێن وان تێر ببن ژ بابەتێن هەین د ناڤ مللەتێ وان دا و ببینت ئەکتەر و دەق و دەرهێنەر هەموو کورد بن و ستێرێ درامایێ هەبوونا خوە هەبیت. دراما کوردی ئەڤا هەیی تارادەیەکێ مەزن شییا چاڤێن خوە ژ دراما بیانی، کو ئەوژی د ڤێت هەبیت، دا بزانن خەلک چەوا دراما خوە پێشکێش دکەت. گرنگە بیرا خوە ل هندێ بینن، کو ئەڤ فەزایێ ڤەکری ژ بوونا دیموکراتییەکا بێ دیراسەتکری و نە بوونا چ دەستهەڵاتا ل سەر ڤان کەنالا و لایەنا و هاتنا ڤێ ره‌وشنبیرییا نە ل وەخت ژ چاڤکوره‌ییا هندە ساڵا بۆ چاڤ ڤەکرنەکا نە د رێ دا، چنکو دراما د هەموو ماڵان دایە، گرنگە باش د ڤێ رێ دا ئەم بچن و گرنگە ئەم بشێین ڤی ئەدەبێ بلندی یێ کوردی و بوونا هەزارەها چیرۆکا ب درامایێ زیندی بکەین.

ئەڤ دراما هندە ساڵا بینەرێ مە تەماشەڤان، خەلکێ مە، گەنجێن سەردا برن و ب تایبەتی ئەم ئێخستنە د کراسەکێ شەرمەزاریێ دا؛ وەکو دایک و باب و کۆمەڵگەهێ کوردی، نە ئامادەبوو هۆسا بلەز بهێتە ڤەگوهاستن ژ کومەڵگەهێ نیڤگرتی بۆ کۆمەڵگەهەکێ زێدە ڤەکری، نە ئەوا ئەم تێدا و نە ئەوا ئەم که‌تین تێدا، لەورا ئەڤ درامایا د دەهێ دووماهییێ دا، گەشەیەکێ ب خوە ڤە دبینت و شییایە کراسێ کوردی بکەت بەر دراما کوردی و ژ درامایەکا کۆپی کرى و دوبلاجکرنێ؛ ببنە درامایەکا زمان و ئەکتەر و دەق و دەرهێنەر و بینەر کورد. ئەڤە گرنگە ئەم ل سەر راوەستن، دیتنێن مە پتر سەر دەق و بوونا ڤان رەنگە درامایانە، ب دەستنیشانکری، دێ دراما کوردی ل وار TV بيت و دێ زنجیرەیا دراما (ڤانو)؛ ببوورن دراما (بارۆڤە) بیت، ژ بەر كو مە گۆت (ڤانو)، چنکو نوکە ژی مایکێ ببەیە بازاری و پرسیار بکە – کا بارۆڤە چەوا بوو- پڕانییا وان نوزانن، لێ بێژی ڤانو هەموو دێ هێنه‌ دەنگ. کەواتە دڤیا نڤیسەر باش ل سەر ڤێ راوەستیت ناڤ و نیشانا بەرزە نە کەت د بن ناڤێ قارەمانەکی دا و نەشییا و رەنگە ب دیتنا من نە نڤیسەری، رەنگە نە دەرهینەری ئەو حیسابا مەزن کر بیت، کو ڤانو دێ بیتە ناڤەکێ سەر زمانێ هەموو خەلکێ مە و بوویێ و ئەڤە نابیتە کێماسی هەر چ نە بیت کارەک بشێت ستێرەکێ چێ کەت، سەرکەتنە سەرەرای کو ئەکتەرێن مەزن تێدا بوون، کو دێ مە دیتنێن خوە هەبن ل سەر وان ل جۆرەی هاتنا ناڤێن وان ل گەل دیتنێن مە، چنکو ڤێ درامایێ هەم وەکو تەلەفزیۆن و دەمێ پەخشێ؛ گەلەک وەختەکێ ل قایدە بوو، گەلەک جارا هەبوون دگوتن ئەم نوزانن کەنگی دێ بیتە سەعات (9) و مه خوە ئامادە دکر بۆ دیتنا (ڤانۆ)ى ببورن (بارۆڤە). یێ گرنگە پشكدارییا مە د پشتەڤانییا ڤان جۆرە درامایا هەر هیچ نە بیت، ب لایکەکێ و دەستخۆشیەکێ بیت، یێن وەکو مە ب نڤیسینەکێ، کو تێدا لایەنێن باش بلندتر لێ بکەن و لایەنێن لاواز دەستنیشان بکەن، ب ئنیەتەکا ساخلەم و چاڤ پێ ڕابوون و پڕى ڤیان.

چیرۆکەکا کوردی ل سەر رێبازا ریالیزمێ، ئانکو كه‌توارى (دۆرهێل- واقعى) و دەربڕین ژ ئێش و ئازارێن میللەتەکی ژ ڕویێ سیاسی و ئابۆری و پتر کۆمەڵایەتی ڤه‌، چیرۆکەکا پڕى ئالۆزى و پڕ بابەت و تژی نامە و پەیامه‌، هەم بۆ ناڤماڵا کوردی و هەم بۆ دەستهەڵاتێ، هەم ژى دەور و بەران، هەم رەخنەیه‌کا دژواره‌ بۆ وان مرۆڤێن ئاخ و ئاڤا ڤی مللەتی ژی بدەنە بایی و بدەنە کڕین و خەلک بمینت حێبەتی، چیرۆکەکا تژی هزر و هندی یا تەژی بوویە، یا دیار بوویە دەرهێنەر پێڤە ماندی بوویە. تشتێ کو بوویە بارسڤکی، رەنگە دیمەن هەموو د ئێک جهی دابوون، کو ببوویە خالا سەرکەتنا زنجیرەیێ، بەلێ یا مە چنکو شییا بکەڤیتە د ناڤ دلێ کوردستانییا و سروشتی ب خوە ژی جوانی یەک دابوویە درامایێ، سەرەڕایی؛ کو دیمەن پتر بەفر بووینە، ئانکو دڤییا تەرازوویەک هەبایە کو دیمەن بەلاڤ ببان. باشتر ل گەل وەرزێن سالێ چنکۆ زەمەن پتر بوویە ژ سالەکێ و هەلبژارتنا بۆ دەورێن ئه‌ڤی دەقی، دیمەن ژ بەر (ڤانۆ) و (چێل) و (هەڤالێ ڤانۆ)ى، کو ب راستی رولێ وى ژی، نەخاسمە پشتی ڤانۆ شەهید دبیت، چەند شیانێن هەڤالێ ڤانۆی دیار دبن. هەلبژارتنا چێلێ کو ئاژەل هەڤالەک خۆشە دەمێ مرۆڤ ب تنێ دمینت، چێل ب خوەژی رەمزێ خودانکرنا مالا کوردانە ژ کەڤندا هەتا نوکە یێ چێلەک هەبایە ل گوندی، ئانکو ژیانا وی یا مسۆگەر بوویە و چێلا هەنێ گرێدانا مرۆڤی کوردە پشتی ئاخێ مال و مولکە و چێل دڤیا هەبایە دا زنجیرا درامایێ مەودایێ خوە کێشابایە، هەلبژارتنا ئێشا نەڤیانا کەسێ کورد بۆ ئێک و دو و ژ کەسان بۆ سیاسییا و حیزبان و دەربڕین هندی دوژمنایەتی هەبیت ژیان ب رێڤە ناچیت و هندی موختار و بەنگین بمیننە د هەڤڕکییێ دا، گوند تەنا نا بیت و دێ تەمایا خەلکی ل گوندی زێدە بیت.

ب ڤی رەنگی؛ چیرۆکێ خاڵێن سەرەکی دەست نیشانکرن، کێشا کوردی ب تەشبیهەکا بچووک و مللەتەکی ب گوندەکێ جوانێ کوردی و هەبوونا ڤان هەموو ئارێشه‌یان د ناڤ جڤاکێ مە دا، هەلبەت دێ هەبن كو بشێن ئەردێ مە بۆ خۆ ببه‌ن و مە ب دەربێخن ژ گوندی، کو مە بەست وەلاتێ مە ب ڤی رەنگی ژ مه‌ بهێته‌ ستاندن، دەرهێنەری شییایە تا حەدەکێ باش ل گەل دەقی کاروانى، ئالۆزییا ڤەکەت ب رێ یا دانوستاندن (حیوار)ێن نەبوون یان بێژین هندی هەبوون د ناڤ دا بەرزە ببوون. هەلبژارتنا ڕولێ پڕبێژێ یا ژنا کورد، سێ گۆشەیا بەلاڤکرنا هەر خەبەرەکی هەیی یا جوان بوو و هەلبژارتنا زارۆکا، کو د ئەنجام دا پالەوان بۆ ڤانۆ و هەتا زال بوویە، کو دراما ب ناڤێ ڤانۆى دهات گۆتن و ڤانۆ کەتبوو سەر زمانێ خەلکی و ئەڤە نابیتە خالەکا لاواز، به‌لكو ئەڤە دبیتە خالەکا باش بۆ پەیدا بوونا ستێرەکا باش ل گەل هەڤالێ ڤانۆی و ئەو سێ ئافرەتە ژی ئایندەیەکی باشێ هەبوونا کچا چەلەنگا کورد بهێتە بەرچاڤ.

ڕولێ داینە (بەنگین)ی گه‌له‌ك یێ گران بوو، کو روی گرتی بیت و دل رەق بیت و یێ هشک بیت بۆ هونەرمەندەکی مەزن، رەنگە یا ب سانەهی بوو، لێ بۆ وەرگرەکی کورد یا گران بوو. ئەڤە هەتا زنجیرا 21ێ، كو ل ڤێ زنجیرێ بەنگینی هەمی دیتنێن مە بەرۆ ڤاژیکرن ب دەورێ خوە، ب بابینا خوە، ب گریانا خوە، ب دانوستاندنا خوە ل گەل گوستیرکێ، کو ئەڤە هەموو دێ بنە بابەتێن مە، کو ئەم پتر ڤان هەلسوکەوتا بدەن بەر قەلەم و کاروانێ ڤێ درامایێ بهێلن زێندی… .

بەرهەم هەموو پێکڤە، گۆند و بەرهەمێ کوردەواری د خۆماڵینە هەر ژ ب کارهینانا  ئامێرێن کاری و گوند ب خوە ڤە ژە و ب هەموو دیمەنانڤە ژ جغزه يا كوردى نەدەرکەتینن و ڤۆکسا نڤیسەری بۆ کۆمەکا بابەتە و پیشاندانا وان د ئێک دەم دا. تشتێ شییایی خوە ژێ رزگار بکەت ژ کەتنێ، هەموو دیمەن کربوونه‌ د خزمەتا دیتنا خوە دا کو ئەڤ هەموو روودان د ناڤ مللەتێ مە دا هەنە و تێکرایی ڤان دیتنا د بیتە تەڤنێ پێکهاتەیا کۆمەلگەهێ کوردی. هەلبژارتنا گوندی وەکو نموونەیەکا بچووک و دەربڕینێ ژ مللەتەکی بکەت، ب خالەک سەرکەتی بۆ نڤیسەری دهێتە هژمارتن، سەرەرای دووبارە یا بەرچاڤ بوویە و هندەک جاران زێده‌رۆیى (موبالغە) ژی هەبوو، بۆ نموونە دیمەنێن رێڤەچوونا ڤانۆى و تیتۆى و هەڤالێ وان یێ سێیێ ل شەقامێ ئێک رەنگ.. کێم بەڤر، کو دڤیا پڕانییا دیمەنا مەودایێ وان بەرتەنگ نەکەت د ئێک دەم دا یان دیمەنێ لێنانگەها و دەوران د ئێک جغزە دا یان کولانا دووبارەکری ژ روناهی كو دیار بوو د ئێک دەم دا و د ئێک سەعات دا دهاته پێش یان سێ ژنێن کورد، کو دیارکری کو ژنا کورد بەس ڤەگوهێز و پڕبێژە، ئەڤە د كه‌توار (واقع) دا ژنا کورد وەکو خانێ یە خێزانا -بەنگین یا پڕ ئیحترام و هێز، سەرەڕای کو دووماهییا وێ ب دلێ مە نە بوو، کو دڤیا ب هێز هاتبا پێش نە پەردە گرتن و خوە حەبسکرن ئەوێ تێدا یێ سەرکەتی نەبوو. به‌لێ د هەمان دەم دا دیمەنێ ڤەگێرانا سویچێن ترۆمپێلی و مان بۆ ئاخێ یان نەمان ل کوردستانێ سەرەڕای مە پێش وەخت گۆتی دڤیا زنجیرە ب شەهید بوونا ڤانۆى ب دووماهیک هاتبایە راستە ڤەهاندنا دیمەنێن خه‌لەكێن دیتر هەتا 26 و دووماهیک گرێدان هەبوویە ب نەمانا ڤانۆى، به‌لێ ب هێز نەبوو گەلەک ڤه‌جوین هەبوو، دووبارە هەبوو بۆ کێشا ئەردی و فرۆتن و بەردانا گوندی، ب ئێک خەلەكێ دشییا خلاس بکەن و و دەمێ پێشکێشکرنێ و دان و ستاندن تەرازوویا وان دیمەنا زال بوو. گەلەک جاران ل سەر  دان و ستاندنا و گەلەک جاران توونێ دەربڕینا پارچەیا ل گەل روودانێ نە د گونجان، بۆ نموونە نیشادانا (بەنگین)ى ب هەموو پیڤەرا، دڤیا کەساتییەک تێکەل بایە ژ دەربڕینێن خۆش و نەخۆش و گونجایی ل گەل مال، کو پڕانییا زەلامێن کورد د ڤەکری و مێرخاس بووینە، ئەڤە یێ ب سام بوویە، لێ یێ گرتی بوو هەتا دووماهیێ وەکو سەر و سیما و د هەمان دەم دا یێ پڕ ڤیان؛ ڤیانەکا بێ دەنگ بۆ خانێ، رەمزا خوە راگریێ، کو دبێژیت مان دو جارا جار بۆ ئاخێ و جار بۆ ڤانۆیى، ل گەل ڤێ ئاخێ کو د بیتە ئەگەر به‌نگین 180./. پلەیا رایا خوە ب گهۆڕیت، کو ب دیتنا مە دڤیا ڕولێ وی مان بایە و بەحس ل هێلانا گوندی نەکربایە، لێ دڤیا ب ڤی رەنگی بایە، دا ئەو دیمەنێ جوانێ مەزن کو خه‌لەكە پێ ب دووماهیک ئینایی هەبایە، کو رزگارى سویچ دانە ڤێ و ما ل گوندی، کو دەربڕین ژ مانێ دکەت ل سەر ئاخێ و نابیت ئاخ بێتە چولکرن.

نڤیسەر یێ سەر کەتی بوو، کو مێژوویا کوردان ب دەتە بەرچاڤ، کو بێ تفاقی یا وانە؛ ناهێلیت بگەهنە ئارمانجان، ب ڤی شێوازێ دارشتنێ، ساڵا 1993ێ مە شانۆگەرییەک هەبوو ب ناڤێ (دایک)، کو دایک رەمزێ کوردستانێ بوویە و ل گۆڤارا مەتین خولێن چۆیی بەلاڤ ببوو، نڤیسەری شیایە هەردو لایێن هەڤڕکییێ، کو هەڤڕکییەک بێ مانا، د ئەنجام دا رزگار و به‌نگین دانپێدان کرن، کو نە دبوو هند دویر بکەڤن و ببن ئەگەرێ گوندییان بێژن مللەت بهێتە دابەشکرن ل سەر ئەڤی و ئەڤێ هە و ببیتە پەنجەرەک خەلکەک بیانی بهێنە د ناڤ دا و ب دەلیڤە بزانن کوردا ب ئەرد ڤە بڤرۆشن، ئانکو نڤیسەر باش د کێشێ گەهشتییە و باش دەق بری یە گوندەکێ کوردەواری، چنکو باژێر بێى گوندا ژیان یا مری یە ژ لایێ جەستەیی ڤە و مرۆڤ د بیتە ئێخسیرێ مەدەنیەتەکا ل سەر مووچە و جاران کار هەیی و جاران نەیی، گوند واتە کار و بزاڤ و ژیان و خۆش ڤیان و ئێک د خەما یێ دی دا، لڤێرە هەر چەندە نڤیسەری بۆ مەرەمەکا تایبەت گوند هەلبژارتی یە، کو ببیتە جهێ دان و ستاندنێ ب کراسەکێ کەڤنێ شەڕی ل سەر مررا موختارییێ، کو ئەڤە د ناڤ مللەتێ مە دا یێ مشە بوو و حەشرکرنا هندەک دیمەنێن لاوەکی وەکو ڤیانا ڤانۆی و کچا رزگاری، کو ب دیتنا مە د ڤیا ب هەر رەنگەکی چەند دیمەن هەبان، کو ڤانۆی؛ (شان) دیتبایە و ب تنێ چەند جارەکێن کێم ب تەلەڤونێ دەربڕین ژ ڤیانا خوە دکر، کو ئەڤە ب خالەکا نەرێنی بۆ نڤیسەری دزڤڕیت، سەرەرایی بزاڤا وی بۆ پڕکرنا وێ خاڵا لاواز، لێ یا کەچ بوو و جهێ پرسیارێ بوو، کو مە شان نە دیت وەکو پێدڤی ژ بۆ سیاقێ خەلەكێ ل گەل گونجابایە. ئەڤەژی وێ دگەهینت، کو درێژکرنا خەلەكا وەکو ژمارە رەنگە نڤیسەر ژ بۆ هندی کەتبیتە ڤێ شاشیێ و دبیت دەرهێنەر ژی شەریک بیت نە شییا بیت چارەیەکا باش ل دەقی بکەت، کو نڤیسەر و دەرهێنەر و ستاڤێ کاری هەموو هەڤالن، نە وەکو بێژن دەرهێنەری دەقەک ژ دەرڤەیی هەڤالینییێ هەلبژارت بن.

ئەزێ بینەر خوە نا ئێخمە ڤان دان و ستاندنان، ب تنێ دێ دیتن ل سەر بینینا درامایی بیت و دێ خوە پارێزم ژ نیادبوونا نڤیسەر و دەرهێنەر و پڕانییا ئەکتەرا، کو هەڤالن، لەورا نڤیسینێن مە جار دێ کەڤنە د خالا دەستخۆشیێ دا و جار ژى دێ هندەک دیمەنا دەنە بایی کا دێ چ ژێ دەرکەڤیت، ئەو دێ مینت ڕایا مە.

بارۆڤە هێشتا یامایی و ڤانۆ نەمرە و ب دەهان ڤانۆ یێن مایین، چەند گوند خراب ببن؛ هند جارێن دیتر دێ هێنە ئاڤاکرن مللەتەکە چه‌ند ژێ بچن هند دێ هێنە شوونا وان، گرنگ کەس نەشێت ئاخێ ڤەگوهێزیت و ئاخێ ژ بن پێ مە خەلاس بکەت ئەبەد ئەو درامایا ئارمانج بۆ هەبیت و بگەهیت ئارمانجێ گرنگە هەبیت ب هەبوونەکا وەکو ڤێ درامایا ل شاشا وار TV خوە دایی نیاسین و شییا خەلکەکی باش ب خوە ڤە گرێدەت.

بەرهەمەکی نیشتمانی و بێ لایەنییا مرۆڤێ کورد و ئێکگرتنا کوردا و مانا کوردا ل گوندان، گوند هێمایێ وەڵاتی و هێمایی شەڕ ل سەر ئاخێ وەکو کولان و کێلان و نان و خۆشییا ژیانێ، بەلێ ڤێ شانۆگەرییێ شییایە بینەری بەلاڤ بوویی ل سەر حزبا، جارەک دی ڤەگەرینتە سەر هێلێن راست و دروستێن ئێکگرتنێ، ل ڤێرە کارەک ژ هەژی بینەری خوە و ژ هەژی حەزێن وان، شییا دەستێ خوە ب درامایەکا خوش دانیتە سەر خالێن مللەتێ مە ژ بەر دناڵیت، دەقەکێ پارچە پارچەییه‌. د ئەنجام دا ئێکگرت، ب ڤی رەنگێ مە دیتی ژ بەر كو پێنگاڤێن باش دهێتە پێش، وەکو کارڤەدانێن خەلکێ مە ئەرێنی بوون سەرەڕای هندەک پرسیار هێلانە ل دویڤ خوە، وەکو هێشتا نە گەهشتی یە وێ رادێ گوند بهێنە فرۆتن بۆ غەیری کوردان، ب تایبەتی عەرەبا، بێژیت ب تەدبیر بەلکو دهێتە هژمارتن هێمایێ فرۆتنا خانی و ئاڤاهییا کو ئەڤرۆ ب شێوەیه‌کی بەرچاڤ دهێنە کڕین و فرۆتن، رەنگە ل جۆرەی تەماشەکرنا مە بو دەورو بەرا، سروشتی بیت، لێ ژ ترسا مە ل وێ فشارا دەروونی یا داگیرکرنێ ل دەڤ مە ب مەترسییەک مەزن دهێتە بەرچاڤ و نڤیسەری د شییا د ڤێ دا باشتر رون بکەت. گەلەک سروشتی بوو ب کوردی ئاخڤتبانە، پسمامێ ئەکرەمی؛ ماجد خودان شییانه‌، چونکو مە گەلەک عەرەب هەنە ب کوردییەکا رەهوان دئاخڤن، ئانکو سەرەڕای ب کوردی دهاتە نڤیسین کو ئەڤە یا ب زەحمەت بوویە، پڕانییا خەلکێ مە چ یێ مەزن و ب تایبەت گەنج و قوتابییێن مە ژ مێژ وەرە نەدیتی نە و رانەهاتینە، ژبلی ئەڤێن خوە فێری زمانێ ئینگلیزی دکەن، جار جار دبینن، لێ کارەک هەژی هندێ بوویە نەرێنی یا گوری ئەرێنییا بکەن و بێژن دەق دێ مە شرۆڤەکرن درێژتر هەبیت و روونشتنەک هەبیت.

دەرهێنانێ پتر دێ هێلێم بۆ شارەزایێن هونەرێ دەرهێنانێ ل دەڤ دەمی کار ب باشی دهێنە قەلەمدان، کەواتە دەق و ئەکتەر و دەرهێنان د زیرەک بووینە، هەروەسا دەمێ هەر کارەک بینەرەک مەزن ل دەورو و بەرێن خوە ببینت، کەواتە ب کارەک سەرکەتی دهێتە قەلەمدان و خالا مەزن ژ مێژ وەرە ئەم هەست دکەن کێمە د هونەرێ کوردان دا درامایە و ئەڤ درامەیا، کو دڤیا ژ مێژ وەرە وەکو کارەک کاملانە ژ لایێ ستاڤی ڤە و ئامێرێن هاتینە ب کار هێنان، هەر هیچ نە بیت؛ کو کار پێ هاتییە ئەنجام دان، چ کار بێ کێماسی نابن. مە ل بەر بوو ب درێژی به‌حس بکەین، لێ مە ب راستی ئەو (تفاعلا) خوێنده‌ڤانێ ره‌وشنبیر نەدیت و هەر هیچ نە بیت ل تیمێ کاری مە ب فەر زانی راوەستین هەتا وەکو ڤەکولینەک ئەکادیمی ل سەر درامایا کوردی بنڤیسین و ڤێ درامایێ بکەنە نموونە هوون هەر هەبن ستاڤێ کاری و شاشا ناڤمالا کوردی War TV.

بابەتێن گرێدای