گۆڤارا مەتین گۆڤارا مەتین
بەرهەڤکرن و وەرگێران:
ئارمانج ئیسماعیل
سینەما ل سەر ئاستێ جیهانێ هونەرەکێ گەلەک کاریگەرە و ب هونەرێ حەفتێ دهێتە هەژمارتن. ساڵانە هزاران کارێن سینەمایی بەرهەم دهێتن هندەک ژ وان د نایابن و ناهێن ژ بیرکرن و دیمەنێن وان د ناخ و هزرا مرۆڤی دا دمینن.
هند دەزگەهـێن نێڤدەولەتی و مالپەڕێن پرۆفیشناڵ هەنە ساڵانە فیلمان دهەلسەنگینن و رێزبەند دکەن.
د ڤێ مژارێ دا، دێ رۆناهیێ بەردەینە سەر لیستەکا 6 فیلمی کو ژ لایێ مالپەڕێ IMDB یێ ناڤدار و تایبەتمەند ب پەیام وهەلسەنگاندنا فیلم و زنجیرە فیلمان هاتینە دەستنیشانکرن. ئەڤ فیلمە ل گۆڕی IMDB وەکی باشترین کارێن سینەمایێ نە ل درێژاهییا دیرۆکێ. پیڤەرێ مالپەڕێ ناڤبری هەلسەنگاندنێن بینەران و تۆمارێن هۆڵێن نماییشکرنێ نە، نە بتنێ هەلسەنگاندنێن رەخنەگر و شارەزایێن فیلمانە.
– لیستا شیندلەر 6
چیرۆکا فیلمی: روودانێن فیلمی د چارچووڤەکێ کاتواری دا
نە چونکی فیلم ل سەر چیرۆکەکا راست هاتییە ئاڤاکرن. بۆیەرێن فیلمی ل سەردەمێ جەنگێ جیهانی یێ دویێ ل ئەڵمانیا روودانە. دەما خودانکارێ ئەڵمان ئۆسکار شیندلەر (لیام نیسۆن) بڕیارێ ددەت کو پەنابەرێن جوهی ل وی دەمی ژ ستەما نازییان بپارێزیت. شیندلەر شییا پتر ژ هزار 1000 جوهییان د ناڤ کارگەهێن خۆ دا ژ هۆلۆکوستی بڤەشێریت و رزگار بکەت.
دەرهێنەر: ستیڤن شپیلبێرگ Steven Spielberg
هەلسەنگاندا فیلمی ل ماڵپەڕێ IMDB ژ 10ێ: 8.9
5 – ئاشۆپا ئەرزان
چیرۆکا فیلمی: فیلم ژ سێ چیرۆکان پێک دهێت. کۆژەکەکێ کرێگرتی بزاڤا رزگارکرنا هەڤژینا سەرۆکێ باندەکی ژ مرنەکا مسۆگەر دکەت وگۆری رێککەفتنەکا بوکسینەرەکی لگەل سەرۆکی باندەکێ ئیمزاکری وبوکسەر تووشی چەند ئاریشەیان دبیت. سێ، دو کوژەک بزاڤا ڤەشارتنا تەڕمەکی ددەن کو وان ب شاشی کوشتییە.
دەرهێنەر: کوێنتن تارانتینۆ Quentin Tarantino
هەلسەنگاندا فیلمی ل ماڵپەڕێ IMDB ژ 10ێ: 8.9
4- کریڤ بەشێ2
چیرۆکا فیلمی: فیلمەکێ درامایی یە ژ رۆمانا ماریۆ پۆزۆ (کریڤ) کو ل ساڵا 1969ێ بەڵاڤبوویە هاتییە وەرگرتن. تەمامکرنا بەشێ ئێکێ یە یێ هەمان فیلم کو ژ لایێ دەرهێنەر فرانسیس فۆرد کۆپۆلا هاتینە دەرهێنان.
د ڤی بەشی دا، ژیانا (ڤیتۆ کورلیۆنی) هەر ژ زارۆکینیێ هەتا دبیتە سەرۆکێ باندەکا مەزن یا مافیایێ ل ئەمریکا دهێتە نیشاندان.. پاشڕا هەر هەمان ئەکتەر ب رۆلێ کوڕی خۆ (مایکل)ی ژی راد بیت .
دەرهێنەر: فرانسیس فۆرد کۆپۆلا Ford Koppola و پیتر جاکسۆن Peter Jackson
هەلسەنگاندا فیلمی ل ماڵپەڕێ IMDB ژ 10ێ: 9
3- سوارێ تاڕیێ
چیرۆکا فیلمی: ئەڤ فیلمە ل سەر چیرۆکێن (دی سی باتمان)ێ یێن کریستۆفەر نۆلان هاتییە ئاڤاکرن.. د پشکا دویێ یا ڤی فیلمی دا کەسایەتییا هارڤی دینت دیار دبیت وەکی داواکاری گشتی یێ باژێڕی گۆتام و هەڤالێ کچەکێ یە بناڤێ ریچێل داوس.
دەرهێنەر: کریستۆفەر نۆلان Christopher Nolan
هەلسەنگاندا فیلمی ل ماڵپەڕێ IMDB ژ 10ێ: 9
2- کریڤ
چیرۆکا فیلمی: روودانێن فیلمی دو چیرۆکێن هەڤتەریبێن باب و کوڕەکی نە. یا ئێکێ ل سەر کوڕی یە ( مایکل کورلیۆنی) ل ساڵین پینجییان ل سەدەیێ بۆری دقەوومیت. مایکل بزاڤی دکەت چاڵاکیێن مالباتا خۆ ل هندەک جهێن نوو وەکی لاس ڤیگاس، هوڵیۆد و کۆبا بەرفرەهـ بکەت. چیرۆکا دویێ زڤڕینە بۆ مێژوویا رابۆری یا بابێ (ڤیتۆ کورلیۆنی) و ساڵێن بیستان ژ سەدەیێ نۆری و زارۆکینییا وی ل گزریتا سقلییا ل ئیتالیا.
دەرهێنەر: فرانسیس فۆرد کۆپۆلا Ford Koppola و پیتر جاکسۆن Peter Jackson
هەلسەنگاندا فیلمی ل ماڵپەڕێ IMDB ژ 10ێ: 9.2
- رزگاربوون ژ شاوشانک
چیرۆکا فیلمی: فیلم لدۆر (ئاندی دۆفرین)ی یە کو ب تاوانا کوشتنا هەڤژینا خۆ و هەڤالێ وێ بۆ هەتاهەتایێ دهێتە زیندانیکرن. فیلم دیمەنێن ئەڤی کەسێ تێگەهشتی و خودان کارەکێ پایەبلند نیشان ددەت کا چەوا لگەل هەڤزیندانیێن خۆ یێن تاوانبار دژیت و چەوا هەڤالینییان لگەل وان دروست دکەت.
دەرهێنەر: فرانک دارابۆنت Frank Darabont
هەلسەنگاندا فیلمی ل ماڵپەڕێ IMDB ژ 10ێ: 9.3
