گۆڤارا مەتین گۆڤارا مەتین
بەرهەڤکرن: مەتین
پێگەهێ “Oldest”، ٨ ژ دێرینترین براندێن ئۆتۆمۆبیلان (تڕمپێلان) ئەوێن هەتا نوکە ب ڤێرژن و شێوازێن خۆ یێن نوی شیاینە ل هەمبەر پێلا تەکنەلۆژیایێ خۆ ڕابگرن ئاشکەرا کرن. ئەڤ ئۆتۆمۆبیلە د مۆزەخانەیان دا دپاراستینە و هندەک ژ وان ئۆتومۆبیلێن ئێکێ هێشتا شیانا کارکرنێ هەیە.
- کوگنۆت ستیمەر Cugnot Steamer
کەڤنترین ئۆتومۆبیلە ل جیهانێ، کو ل ساڵا دروستکرنێ ١٧٦٩ ژ لایێ کومپانیا نیکولاس جۆزێف کوگنۆت ڤە هاتییە دروستکرن و نوکە د مۆزەخانەیا هونەر و پێشەیان دا ل پاریسێ یا پاراستییە.
ئەندازیارێ فرەنسی نیکولاس جۆزێف کوگنۆت، ل ساڵا ١٧٦٥ێ دەست ب پێشڤەبرنا وێ کربوو و ل وی سەر دەمی ئێک بوو ژ سەرسورهێنەرێن جیهانێ. ئەڤێ ئۆتۆمۆبیلێ ٣ تاییرەیێن مەزن یێن ژ داری هەبوون.
- ئۆتۆمۆبیلا ستیم کاریجSteam Carriage
ئەڤ ئۆتۆمۆبیلە ل ساڵا ١٨٧٥ێ ژ لایێ رۆبێرت نیڤێل گرینفیڵ یێ بریتانی ڤە هاتییە داهێنان. ئەڤ ئۆتۆمۆبیلە نوکە ل مۆزەخانەیا لەندەن یا پاراستییە.
- ئۆتۆمۆبیلا لا مارکیز La Marquise
ئۆتۆمۆبیلا لا مارکیز ژ لایێ کومپانیایا دی دیۆن، بۆتۆن، تریباردۆ ڤە هاتییە داهێنان و دریژاهییا وێ ٩ پێ نە و دو لڤینەرێن هلمێ هەنە و چار کورسیک تێدا هەنە. ئەڤێ ئۆتۆمۆبیلێ ٤٠ گالۆنێن ئاڤێ بکاردئینان داکو ٢٠ میڵان ببڕیت. ئۆتۆمۆبیلا لامارکیز ٢٠ هەتا ٣٠ خولەک پێدڤییان هەتا رەژی بسوژیت و هلمێ دروست بکەت. لەزییا وێ ژی ٣٨ میل یانکو ٦١ کیلومەتر بوون د دەمژمیرەکێ دا.
- ئۆتۆمۆبیلا بێنز مۆتۆرواگن Benz Motorwagen
بۆ ئێکەمین جار کارل بێنز ل سالا ١٨٩٣ێ داهێنانا دروستکرنا ڤێ ئۆتۆمۆبیلێ خۆیا کر و پشتی هنگی، ٢٥ ئۆتۆمۆبێل دروستکرن. تاییرەیێن ڤێ ژ تێلە و هندەک کەرستەیێن دی هاتبوونە دروستکرن یانکو وەکی تاییرەیێن پایسکلان بوون. وێ ئۆتۆمۆبیلێ ب لڤینەری کاردکر و وزە بەرهەم دئینا و ئۆتۆمۆبیلا پێ د چوو.
- ئۆتۆمۆبیلا لۆتزمان فۆرئێچ بی ڤیکتۆریا Lutzmann4HP Victoria
ئەڤ ئۆتۆمۆبیلە ل ساڵا ١٨٩٦ێ ژ لایێ کومپانیایا فریدریچ لۆتزمان ڤە هاتییە داهێنان. لڤینەرێ ڤێ ئۆتۆمۆبیلی هەتا نوکە ب دروستاهی کار دکەت. هێزا ڤێ ئۆتۆمۆبیلی نزیکی چار هەسپایە و گەلەک ب خاڤی دچیتە ڕێ. شێوازی ڤێ ئۆتۆمۆبیلێ گەلەک یێ جوان و سەرنجراکێشي و وەکو وان گالیسکەیانە ئەوێن هەسپ رادکێشن.
- ئۆتۆمۆبیلا ستیڤنز دۆریا مۆدلا ئێل Stevens-Duryea Model L
ل دەمەکی کومپانیا جی ستیڤێنز لا ساڵا ١٩٠١ێ ئەڤ ئۆتۆمۆبیلە دروستکرو هەمی خەلکی هەسپ و دەوار بکار دئینان بۆ هاتن و چوونێ. ئەڤ ئۆتۆمۆبیلە بوومۆدێلەک بۆ زەنگینان و هەموویان بزاڤا ب دەستڤەئینانا وی دکر داکو کەشخەی پێ لێ بدەن.
هێزا لڤینەرێ وێ ٧ هەسپ بوون و ب ٣ لەزییا دچوو و کورسیکێن وێ ب چەرمەکێ گەلەک جوان هاتبوونە دروستکرن.
- ئۆتۆمۆبیلا رۆلز رویس مۆدێلا ١٩٠٤ Rolls-Royce 1904 Model
ئەڤ ئۆتۆمۆبیلە ژ دیزاینا کومپانیا هینری رویسە و بیرۆکەیا دروستکرنا وێ ژ ئۆتۆمۆبیلا دیکۆفیل هاتییە وەرفرتن کو رویسی بکاردئینا. وی ل بەر بوو ١٩ ئۆتۆمۆبیلا دروست بکەت کو هەر ئێک ب هێزا ١٠ هەسپان بیت بەلێ ب تنێ ١٧ ژێ دروستکرن.
- ئۆتۆمۆبیلا فۆرد مۆدیلا تی Ford Model T
ژ لایێ هینری فۆرد دامەزرینەرێ کومپانیایا فۆرد ڤە هاتییە دروستکرن. ئارمانجا دروستکرنا ئەڤێ ئۆتۆمۆبیلێ، پەیداکرنا ئامیرەکێ هاتن و چوونێ یێ ئابوور و کارا بوو بۆ خەلکی نورمال و هەر زوی جهی خۆ د ناڤ خەلکی دا کر و بەربەڵاڤ بوو.
