گۆڤارا مەتین گۆڤارا مەتین
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
ڤەکۆلەر و رۆژھەلاتناسا دانیمارکی ھێنی ھارۆلد ھەنسن Henny Harald Hansen ، ل ساڵا ١٩٠٠ ژ دایکبوویە. ل وەلاتێ خۆ قووناغێن خواندنێ ب دووماھی ئیناینە. ئێکە ژ وان ئافرەتێن گرنگی دایە بابەتێن جڤاکی و کەلتووری. ل ساڵا ١٩٥٧ێ سەرەدانا کوردستانێ کرییە و وەکی ئەندازیارەک ل سەر بەنداڤا دووکان کارکرییە.
ھێنی، ب دیتنا سروشت و دیمەنێن جوانێن کوردستانێ، زێدەباری ژیانا ئافرەتا کورد ل گوندا داخبار بوویە لەوڕا؛ شیایە دو پەرتۆکان لدۆر ئافرەتا کورد بنڤێسیت. ل وێ دەڤەرێ گەلەک گەڕیا و تشتێن کەلەپووری کۆم کرینە و بۆ وەلاتێ خۆ فڕێ کرینە، داکو ل مۆزەخانا وی وەڵاتی بھێنە ھەلگرتن. ل رۆژا ١٢ چریا ئێکێ ١٩٩٣ێ ل کۆبنھاگن چوویە بەردلۆڤانیا خودێ.
د سەرەدانا خۆ دا، دو پەرتۆک نڤیسینە، ھەردو بۆ سەر زمانێ کوردی ھاتینە وەرگێڕان و چاپکرن:
١- کچانی کورد، گەشتێک لەناو ئافرەتانی موسوڵمان لە کوردستان، وەرگێڕان: ناجی عەباس ئەحمەد، بەغدا- ١٩٨٠.
٢- ژیانی ئافرەتی کورد، وەرگێڕان: عەزیز گەردی، بەغدا – ١٩٨٣.
