گۆڤارا مەتین گۆڤارا مەتین
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
دۆستا گهلێ كورد و ديرۆكنڤيسا ناڤدارا رۆس، یهڤگينيا ئيلينيشنا ڤاسيليێڤا E. I. Vasilyeva، ژ داییکبوویا ساڵا 1935ێ یە. مرۆڤهكا ب وهفا و خهمخور و ديرۆكنڤیسهكا ناڤدارە. سهخمهراتى خزمهتا مللهتێ كورد، ههر ژ ساڵا 1960ێ وەرە، ههمى ژيانا خۆ ب نڤێسينا پهرتووك و ڤهكۆلينێن ئهكاديمى تهرخان كریە. وەکی مامۆستایەکا خودان باوەڕنامەیا دكتۆرایێ ب زانستێن دیرۆكێ، گهلهك پشتهڤان و هاريكار بوويه بۆ قوتابيێن كورد ئهوێن ژ بۆ خواندنێ دچوونه ئێكهتيیا سۆڤيێتى يا بهرێ. ڤاسيليێڤایێ ب بهردهوامی دگۆت، کو ئهم بكارێن خۆ يێن زانستى پشتهڤانيێ ل گهلێ كورد دكهين. مخابن ل رۆژا 15ی شباتا 2023ێ، ڤێ دۆستا یا بهاگران کۆچا دویماهیێ كر.
کار و بەرهەمێن وێ یێن ل سەر کورد و کوردستانێ نڤیسین یان ڤەکۆلین ل سەر کرین، ئەڤێن ل خوارێ نە:
– ل ساڵا 1976ێ پهرتووكا (شهرهفنامه)یێ وهرگهڕانده سهر زمانێ رۆسى.
– پەرتووكا وندا یا دیرۆكا كوردستانێ (ڤهكۆلین)، ب ناڤێ (ئهلماناخا كوردى) – 1997، کو ل ساڵا 1967ێ وهكی ڤهكولێن ل دۆر شهرهفنامهیێ نڤیسی بوو، پاشى كره پێشگۆتنا وهرگهڕا وێ.
– كۆچهرێن باشوورى – رۆهلاتا كوردستانێ، مۆسكۆ- 1983ێ.
– دیرۆكا مالباتا میرێن ئاردهلان، 1984ێ.
– رایێن (ئهجنهبییان) ئهسڵا مالمهزنێن كوردان وهكو فێنۆمێنهك (ئهجێبهك) جڤاكى.
– تێرمێن تائیفه، ئهشیرهت و قهبیلهت، 1969ێ.
– مهستووره یا ئهردهڵانى.
– شاهـ عهباس و موكرى.
– عهشیرهتا جاف.
– میرنشینا بابان.
