گۆڤارا مەتین گۆڤارا مەتین
سەرنڤیسەر
دەنگدان د سیستەمێن دیموکراتی دا، ئێک ژ گرنگترین مافێن وەڵاتیبوونێ یە. ئەڤ مافە نە ب تنێ دەلیڤە بۆ دەربڕینا بیر و باوەڕان، بەلکو ئەرکەکێ نشتمانییە ژی. گرنگییا پشکداریێ د دەنگدانێ دا ژ چەند لایەنان ڤە دیار دبیت.
دەما رێژەیەکا بلند یا وەڵاتییان پشکداریێ د دەنگدانێ دا دکەن، ئەنجامێ هەڵبژارتنێ راستگۆییەکا باشتر ب خۆڤە دگریت چونکی نوینەراتییەکا پتر بۆ حەز و خواستێن جڤاکی دکەت. ئەڤ ئێکە دبیتە ئەگەرێ هندێ، کو ئەو پەرلەمانێ دهێتە ئاڤاکرن و ئەو حکومەتا دهێتە دامەزراندن، دێ رەواییبوونەکا پتر بۆ هەبیت چونکی ب نوینەراتییا ئاست بلند یا پێکهاتێن خەڵکی دروست بووینە.
دەنگدان رێکەکە بۆ پاراستن و پتر پێشڤەبرن و ب دەستڤەئینانا مافێن کۆمێ و تاکە کەسان. ب رێکا دەنگدانێ، وەڵاتی دکارن پشتەڤانییا وێ لیستێ و وان کاندیدان بکەن یێن کو پشتگرییا مافێن وان کرین و دێ دکەن. لڤێرە، وەکو ئەزموونا رابۆری و ل گۆری پەیام و پرۆگرامێن نها، باشترین لیست یا کو دێ مافێ کۆمێ و تاکان پارێزیت، لیستا ١٩٠ یا پارتی یە.
پرۆسەیا دەنگدانێ دبیتە ئەگەرێ پێکڤەژیانەکا جوان و پێکڤەییبوونا وەڵاتییان ب رێکا هەبوونا بیر و باوەر و بۆچوونێن جوداجودا. ئەڤ ئێکە هاریکارییا پێشڤەبرن و موکومکرنا و بهێزبوونا جڤاکی دکەت. هەروەسا، دەنگدان دەرفەتەکە بۆ پێکهاتێن نەتەوەیی و ئۆلی ژی، کو دەنگێ خۆ بلند بکەن و داخوازێن خۆ بگەهینن و پێکهات باش دزانن کا پارتی چەند یا رژد بوو و هەتا چ رادە داکۆکی ل سەر مافێن وان کرینە و دکەت.
ل دویماهیێ، گرنگە هەر وەڵاتییەک بزانیت، کو دەنگێ وی/ وێ یێ گرنگە و کاریگەرییەکا راستەقینە و راستەراست یا هەی. هەر دەنگەک دکاریت ببیتە بەرسڤ و رێگرتنەک هەمبەر ئەوان لایەنێن خاکفرۆش و دویر ژ مۆڕالێن کوردایەتیێ، ئەوێن دخوازن پێڤاژوویا پارتی دیموکراتی کوردستان و پەیاما وێ یا نەتەوەیی و وەڵاتپاریزی لاواز بکەن و قەوارەیێ هەرێما کوردستانێ بچویک و بێبەها بکەن. لەوما، پێدڤییە هەمی وەڵاتیێن کوردپەروەر و خودان هەلویستێن نەگۆڕ، ب کەمپینەیەکا بەرفرەها هاندانا جەماوەی بکەن و هەست ب بەرپرسیارەتیێ بکەن و ب چالاکی پشکداریێ د پرۆسەیا دەنگدانێ دا بکەن پێخەمەت سەئێخستنا لیستا (١٩٠) یا پارتی دیموکراتی کوردستان.
