گۆڤارا مەتین گۆڤارا مەتین
بەرهەڤکرن: حهکیم عهبدوللا
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
رۆژنامەڤان و نڤێسەر و وێنەگرا بەریتانى (شێرى لایزەر) تێکەلییەکا باش و نێزیک ل گەل گەلێ کورد هەیە و چەندین پەرتۆک د ڤى بواری دا نڤێسینە. هەروەسا ژمارەکا زۆر یا گۆتاران د رۆژنامە و کۆڤارێن جیهانى دا بەلاڤکرینە. زمانێن تورکى و کوردى و فەرەنسى و عەرەبى ب باشى دزانیت. شههرەزایەکا باش د بوارێن سیاسى و ئابۆرى و جوگرافى دا ل دۆر وەڵاتێن رۆژهەلاتا ناڤین ههنه. هەلگرا باوەرنامهیا ماستەرێ یە د ئەدەبێ ئینگیلیزى دا. وەک راوێژکار ژى تایبەت ب عێراقێ ڤە دهێتە نیاسین و ژ لایێ رێکخراوێن نە حکومى و رۆژنامەڤانان و ڤەکۆلەرانڤە راوێژ پێ هاتییەکرن. چەندین پەرتۆک چاپکرینە و ئێک ژ وان ب ناڤونیشانێن (Into Kurdistan – Frontiers Under, 1991 ( کو مە وەرگێڕایە سەر زمانێ کوردى ب ناڤونیشانێن (بەرەڤ کوردستانێ سنورێن ئاگرین)، ل ساڵا ٢٠٠٧ێ کۆڤارا (مەتین) ئەرکێ چاپکرن و بەلاڤکرنا وێ ب ستۆیێ خۆڤە گرت. هەروەسا وەرگێڕانا چەند پەرتۆکان ژ زمانێ ترکى و ئینگلیزى و کوردى ژى کرینه. دیسا، هژمارەکا فلمێن دۆکیۆمێنتارى یێن تەلەڤزیۆنى ل دۆر رۆژهەلاتا ناڤین و کێشهیا کوردى بەرهەمئیناینە. بەرهەمێن وێ بۆ قوتابى و مامۆستا و ڤەکۆلەران بووینە جهێ پویتەپێکرنێ و ژێدەر. ژ ساڵا ١٩٨٣ێ وەرە و هەتا نوکە سەرەدانا گەلەک وەڵاتێن دەڤەرێ ل رۆژهەلاتا ناڤین و باکۆرێ ئەفریقیا کرییە، بهلێ شییایە. چەندین جاران سەرەدانا عێراقێ و کوردستانێ کرییە و لێ مایە. ژ بەرهەمێن وێ:
– Into Kurdistan – Frontiers Under, 1991 (بەرەڤ کوردستانێ سنوورێن ئاگرین، ٢٠٠٧).
– Love letters to a Brigade (Poetry & Photographs, 1991)
– Martyrs, Traitors and Patriots – Kurdistan after the Gulf War, 1996
