گۆڤارا مەتین گۆڤارا مەتین
بەرهەڤکرن: مەتین
وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.
روندو ئه‌وێ ل فیرساى سالا 1904ێ بووى، كولیژا سان- سیر یا تایبه‌تمه‌دییا له‌شكرى ل سالا 1922ێ ب دووماهى ئینا، ل سالا 1926ێ وه‌كو خۆبه‌خش پشكدارى ل شه‌ڕێ گوندان ل وه‌لاتێ مه‌غره‌ب كر. پاشى به‌ر ب رۆژهه‌لاتێ وه‌لاتێ شامێ هات. د ژیانا خۆ دا، كه‌سه‌كێ زیره‌ك و هشیار بوو ل دۆر كێشه‌یێن جیهانا عه‌ره‌بى و ئیسلامى،گرنگىیه‌كا تایبه‌ت دا چاره‌نڤیسێ مه‌سیحی یێن رۆژهه‌لاتى و ئاشوورى و كلدانان.
وه‌كو باڵیۆزی فره‌نسا ل وه‌لاتی لوبنانێ كاردكر، گه‌له‌ك به‌رپرساتى وه‌رگرتن و دویڤچوونا بیاڤێن سۆسیۆلۆژى دكر، رێڤه‌به‌رێ ناڤه‌ندا ڤه‌كولینێن بلند ل دۆر ئه‌فریقیا و ئاسیا نوى (CHEAM) و مامۆستا بوو ل گه‌له‌ك په‌یمانگه‌هێن ڤه‌كولینێن سیاسى ل پاریس و لیون وگرونوبل، هه‌ڤبه‌ندى ل گه‌ل كوردان هه‌بووینه و چه‌ند ڤه‌كولین و په‌رتووك ل دۆر ژیان ره‌وشت و تیتالێن كوردان چاپكرینه.
هنده‌ك ژ به‌رهه‌مێن وى یێن به‌لاڤكرى و چاپكرى:
– جلكێن زه‌لاما و پیشه‌یا جلكا ل نك كوردان، دیمه‌شق- 1973.
– كوردستان، هژمار ژ 1 08، 1958 – 1961.
– داخوازیێن نه‌ته‌وه‌یی یێن كوردان (1943-1949)، پاریس- 1949.
– كوردێن سووریا، 1939.
– كورد و بزاڤا ئێكه‌تییا سۆڤییتى ل رۆژهه‌لاتى، شام- 1936.
ژبلى چه‌ندین ڤه‌كولینان ل ناڤ به‌رپه‌ڕێن كۆڤارێن تایبه‌تمه‌ند.
