گۆڤارا مەتین گۆڤارا مەتین
محه‌مه‌د ئەمین دۆسكی
پارێزگەها دهۆكێ وارگەهەكێ كەڤنارە، ل بەرپەڕێن دیرۆكێ هەر هەبوویە؛ یا ب ناڤودەنگە، كارتێكرنا وێ ل سەر سەمتا ڕویدانێن دەڤەرێ ب شێوەیەکێ بەرچاڤ و دیار هەبوویە، نوكە پارێزگەكە ژ هەرێما كوردستانێ، مەلبەندێ وێ هەر ب ناڤێ دهۆکێ یە، ڕووبەرەکێ مەزن ڤەدگریت، ژمارا خەلکێ وێ نیزیكی (1) ملیۆنێ یە، بەلـێ ل دەسپێكێ گوندەکێ بچویك بوو، ژ چەند مالەکا پێكدهات، ئەم دشێن بێژین، كو هندا بچویكبوو هەتا ناڤێ وێ كرینە (دهۆك)، ئانكو گوندێ بچویك، دیسا ژ بەر كو ژ لایێ جوگرافی ڤە دكەفتە ڕەخ باژێرەکێ مەزن و ب ناڤودەنگ، ناڤێ وی (نیشابوور) بوو، ئەڤ باژێرە دكەڤتە باكۆرێ تاخێ مالتایێ یێ نهۆ، ل دویڤ گۆتنا گەڕۆکێ ترك (ئەولیا چەلەبی)، یێ ل ساڵا (1066ك ـ 1656ز.) سەرەدانا ئامێدیێ كری، باژێرەکێ مەزن و گرنگە، ناڤێ وی (نیشابوورا كوردا)یە، دكەڤیتە باكۆرێ مالتایێ، یێ ژ بەری هاتییە ئاڤاكرن، دكەڤیتە بن حوكمێ میرێ ئامێدیێ(١).
ژ لایێ زمانی ڤە، هەر تشتەکێ مەزن دەمێ دڤێن بچویك بكەن، دێ ئالاڤێ بچویكرنێ (ۆك) پێڤە گرێدەن، وەكی: (مەنجەل) دەمێ كورد وێ بچویك دكەن دبێژنێ: (مەنجەلۆك)، (بەر) دبیتە (بەرۆك)، (تیر) دبیتە (تیرۆك)، هەروەسا، هەژی یە بێژین، كو ئەڤ ئالاڤە (ۆك) هندە جاران د زمانێ كوردی دا، ساخلەتێ خۆ ژ دەستددەت، وەكی پەیڤێ (سەر)، دبیتە: (سەرۆك).
دیسان نە هەمی جاران ئالاڤێ (ۆك) ڤی كاری د پەیڤێ دا دكەت، بەلكو دبیتە ژ بنیاتێ وێ، وەكی (نۆك)، (پەپۆك) و ب ڤی ڕەنگی.
ل سەر ڤی بنیاتێ زمانی، دهۆك دبیتە: (گوندەکێ بچویك)، ل دویڤ دیتنا من ئەڤە ڕامانا ناڤێ وێ یە، هەر چەندە گەلەك ڕامان یێن ل دویڤ تەخمینێ یێن بۆ هاتینە چێكرن و دانان، گرۆڤێ مە ژی ئەوە هندەك گۆند یێن ل كوردستانێ هەین ب ناڤێ (دیهـ) وەكی گوندێ (دیهێ) یێ دكەڤیتە دەرێ (گەلیێ) هەر ب ڤی ناڤی ل چیایێ (مەتینى) ل ڕۆژئاڤایێ دەڤەرێ (بامەڕنێ).
بۆ زانین هەتا نوكە ژی ده‌ڤه‌را سۆرا دبێژنە گوندی: (دێ)، كو د بنیات دا كورتكرنا پەیڤا: (دهـ)، یان (دیهـ)، ئانكو: گوند، هەژی یە بێژین، كو ئەڤ ناڤە یێ ل نك وان مای، ل نك مە بەهدینیێ نەمایە، وەكی گەلەگ پەیڤێن دی.
دهۆك یا مای و ئەڤ ناڤە یێ ل سەر مای، پێ دهێتە نیاسین، هەر چەندە باژێرێ ب ڕەخ ڤە، یێ ئەو بوویە ئەگەر؛ كو بچویكاتی پێڤە بهێتە گریدان؛ یێ ژناڤچووی و هاتییە ژ بیركرن، شوینوار ژی نەمانە، هەتا ڕاددەیەكی، كو ژ بلی ژێدەرەكی بەحسێ وی نەكريیە، ئەو ژی ژێدەرێ ناڤبری یە.
ئەولیا چەلەبی دبێژت: دهۆکێ كەلە، ئاڤاكەرێ وێ ئێكە ژ وەزیرێن عەباسیيان، دبێژنێ: (دهۆك دەهقان)، لەوا دبێژنە دهۆكێ: (دهۆکا دەهقانی)، كو كەلەکا موكم و پێنج گۆشەیە(٢).
مخابن مللەتێ كورد دیرۆکا خۆ نە نڤیسی یە، دا ناڤێن جهـ و وارێن وان و مەزن و ماقویل و كەسانێن وان بهێنە پارازتن، بۆ وان ببیتە دیرۆك، بەلگە ل سەر رەسەناتییا نژادی كوردی یێ پاك و وەلاتێ وی، نهۆ ئەم شانازيیێ پێ ببەین! تنێ (شەرەفنامه)يا شەرەفخانێ بەدلیسی نەبت؛ كو ئەو ژی دەربارەی دەمەکێ دەستنیشانكری یە، نە یا گشتگرە؛ هەمى دیرۆکا كوردان ڤەدگرت.
دبێژن: دژمنێ داگیركەر، هەر تشتێ وی داگیركربوو، كو دیرۆکا وی نەبت، ژ بەر هەوێن وی یێن تالانكرنێ و دیلكرن و مشخەتكرنا وی یا بەردەوام ژ جهـ و وارێن وی، لـێ ئەڤە نە بهانەیە، كو یێ بێ دیرۆك بت، زێدەباری ئەلفابێیا وی؛ جۆرێ نڤیسینا وی یا تایبەت، دا كوردا ژی پێناسا خۆ هەبت.
دەستخەت:
ئەڤ دەستخەتا ل بەر دەستێ مە، ژ ئەرشیفێ ئۆسمانی یە، یا سالا (1/11/1277 ك/1660 ز.)، و ژ (10) لاپەڕان پێكدهێت، لاپەڕێن نمرە (2) و (4) و (6) د دوبارەنە، دیرۆکا وێ ب ئەلفابێیا ئينگلیزی ل سەر بەرپەڕێ ئیکێ یا هاتییە نڤیسین، ئانكو: ژ بەرپەڕێ ئەرشیفی یێ دەستخەت، یا هاتییە كۆپیكرن، یا هاتییە ڤەگۆهازتن، ژ لایێ وی كەسی ڤە یێ ل ناڤ ئەرشیفێ ئۆسمانی دیتی و كۆپیكری، ئەو ژی ل ڤان سالان، ژ بەر كو چاخێ دەستخەت هاتییە نڤیسین، نڤیسنا ڕەسمی یا ئۆسمانیێ ب ئەلفابییا عەرەبی بوو، هەر وەكی یێ دەستخەت پێ هاتییە نڤیسین.
1ـ گوندێن ئامار بۆ هاتییەكرن:
بەرپەڕێ (1):
ل سەرێ بەرپەڕێ (1)ێ ژ هەر (10) بەرپەڕێن دەستخەت، مۆرا رێڤەبەرییا ئەرشیفێ ئۆسمانی یا لـێ هاتییەدان، شێوێ وێ ب ڕەنگەکێ هیكانكی یە.
د ڤی بەرپەری دا؛ دیرۆکا ڤێ ئامارێ یا هاتییە دانان، ناڤونیشانێن وێ یێ دانای: ((نامە دهوك مسلم)) ئانكو (نامەیا دهۆکا مسلمان).
د دویڤ دا یا دیاركری، كو گشت مالێن موسلمانا ل دهۆکێ ب خۆ دبنە: (62) مال، عەیالێن وان مالا دبنە: (250)، مالێن فەلا دبنە: (5) مال، عەیالێن وان دبنە: (41)، مالێن جوهیا دبنە: (9) مال، عەیالێن وان دبنە: (22) عەیال.
ئانكو ژمارا مالێن ل دهۆکێ ژ هەرسێ دینان دبتە: (76) مال، عەیالێن وان دبنە: (313) عەیال.
پاشی ژمارا هەمی مالێن ل دهۆکێ و ل گوندێن دەورەبەر یا دانای، ل دویڤ تەخمینا لژنا ئامارێ دبتە (274) هەتا (276) مالان.
ل دویماهییا بەرپەڕی مۆرا رێڤەبەرییا ئەرشیفێ ئۆسمانی یا هاتییە لێدان، تێدا نەمرا ئەرشیفی یە؛ كو دبیتە (28207)، ئەڤ مۆرە یا چارگۆشە یە.
چەند ژمارە یێن ل سەر ڤی بەرپەڕی هەین، بەلـێ هەمی گرێدایى بابەتێ ئامارێ نە، وەك تویژاندنەك ل دۆر ژمارەیێن مال و عەیالێن مالێن ل دهۆکێ ژ هەرسێ دینان؛ مسلمان و فەلە و جوهیان، ل دویڤ تەخمینا لژنێ.
بەرپەڕێ (2):
ل دەسپێکێ (چار) ڕێزکێن هاتینە نڤیسین ب خەتێ فارسی ل دۆر دهۆکێ ب زمانێ تركی، مخابن ب هیچ ڕەنگەكی ناهێنە خواندن، وەكی گشت نڤیسینێن ل سەر دەستخەتێ، یێن وەك تێبینی و ڕۆهنكرن، بۆ بابەتێن ل گشت بەرپەڕان و بەرانبەری هەر ناڤەكی، پاشی ژمارە (221) یا هاتییە دانان، ناڤونیشانێن بەرپەڕی لـێ كرین، كو دبیتە: (نفس دهوك)، ئانكو: (دهۆکێ ب خۆ)، مەلبەندێ دهۆكێ، هینگێ كەل بوو، ب دەڤەنەکێ بلند و ئاسێ یێ دوورپێچكری بوو، دەستهەلاتداریەك لـێ هەبوو؛ ب سەرۆكاتییا میرەكی ژ لایێ پاشایێن ئامێدیێ ڤە؛ دهاتە دانان، ئانكو دهۆکێ ژ لایێ سیاسی و رێڤەبەری ڤە؛ سەر ب ئامێدیێ ڤە بوو.
ناڤێن خودانێن مالا، ئانكو سەرۆكخێزانا؛ یێن د بن دا ڕێزكرین، كو دبنە (12) و تێبینیيێن ل دۆر، ب ڤی ڕەنگینە:
1ـ ئەحمەد محەمەد
2ـ محەمەد حوسێن
3ـ قاسم عەبدولكەریم
4ـ حەسەن وەیسی
5ـ عەلی عەلی
6ـ ئیبراهیم محەمەد
7ـ جبرائیل مووسا
8ـ سلۆ عەلی. (سەلۆ یە یان سلۆ یە، سەلامە یان سولیمە یان سلێمانە).
9ـ نعمەت سالح
10ـ ….؟ (ڕەشبوو یە و نائیتە خواندن).
11ـ محەمەد عەبدولجەلیل
12ـ ….؟ (ڕەشبوویە؛ ناهیتە زانین)
بەرپەڕى (3):
تمامەتیا ناڤێن وان سەرۆكخێزانان؛ یێن ل دهۆکێ، كو دبنە (5) سەرۆكخێزان:
1ـ ئیبراهیم محەمەد یوونس
2ـ بازید ئەحمەد
3ـ شەهاب شوعەیب
4ـ تاتار عەبدولرەحمان. (تەتەر)
5ـ جەرجیس عەبدوللا
هەر ل ڤی بەرپەڕى ناڤێ سەرۆكخێزانێن مالێن ئاكنجیيێن (فەلە) یێن هاتینە دانان، كو (4) سەرۆكخێزانن:
1ـ خەمۆ
2ـ حەنا شەمعوون
3ـ عۆدیشۆ مەنصوور
4- تۆما یووسڤ
ل بەرپەڕێ (2) دوبارە:
دیسا ئامارا دهۆکێ یە و (9) سەرۆكخێزان یێن هاتینە نڤیسین:
1ـ عەلی ئاغا حەسۆ
2ـ ئەحمەد یوونس
3ـ عەلی یووسڤ
4ـ عەلی سەعید
5ـ نەڤیێ عەلی محۆی
6ـ نەڤیێ یووسڤێ كوڕێ محەمەدی
7ـ یووسڤ حەسەن
9ـ بازید كوڕێ ئیتویتی. (كەسەك هەبوو یە ب ناڤێ فلانێ ئیتویتی، بەلـێ ناڤێ وی نەهاتییە دیاركرن).
پاشی ناڤێن ئاكنجیێن فەلا یێن مالێن وان ل دهۆكێ، كو (6) سەرۆكخێزانن:
1ـ عەبدولئەحەد قرپۆ
2ـ یاقۆ جەجۆ
3ـ جبۆ داریت. (دویر نینە داود بت).
4ـ یووسڤ یۆنان
5ـ متی حەنا
6ـ ئسخریا یووسڤ
ل بەرپەڕێ (3) دوبارە:
تمامەتییا ناڤێن سەرۆكخێزانێن فەلەیێن دهۆکێ یێن هاتینە دانان، كو (4)ن:
1ـ نەڤیێ عۆدیشۆ مەنسووری
2ـ خەمۆ مەردوخی
3ـ ئییۆ ئسلیڤو
4ـ شەمعوون شاوە
ب ڤێ چەندێ مالێن موسلمانا ل مەلبەندێ دهۆکێ دبنە: (26) مال، یێن فەلا دبنە: (14) مال، سەرجەمێ مالا دبیتە: (40) مال.
گوندێ (مالتا ئیسلام):
پاشی ناڤێن سەرۆكخێزانا یێن گوندێ (مالتا موسلمانا)، كو دكەڤتە باكۆرێ گرێ مالتایێ، یێن داناین، كو دبنە (2) سەرۆكخێزان:
1ـ قەتران حەسەن
2ـ نەڤیێ عەلی مستەفا
گوندێ (مالتا فەلا):
كو دكەڤتە باشۆرێ گرێ مالتایێ، د دەستنڤیسا ژمارە (دو) دا ب ناڤێ (مالتا رەعییە) هاتییە، ژ بەر كو فەلە ئەو مللەتە یێ ژێر بەختێ موسلمانێ نە:
1ـ زەیێ شەمعوون
2ـ پترس پۆلص
گوندێ (سێجێ):
تنێ (2) ناڤێن سەرۆكخێزانا یێن نڤیسین:
1ـ جەجو ئۆرۆ
2ـ صلێوە زەیا
بەرپەڕێ (4):
گوندێ (قەشەفڕێ):
گوندێ فەلانە، تنێ ناڤێن (2) سەرۆكخێزانا یە:
1ـ مارۆكی زه‌یا
2ـ مارۆكی یووسڤ
گوندێ (باجلۆرێ):
ناڤێن (4) سەرۆكخێزانا یێن هاتینە نڤیسین:
1ـ ئیسماعیل عەبدوللا
2ـ محەمەد سالح
3ـ محەمەد ئەحمەد
4ـ محەمەد ئۆسێ
گوندێ (سندۆرا موسلمانا):
تنێ ناڤێن (2) سەرۆكخێزانا یێن هاتینە نڤیسین:
1ـ ئەلهۆ قادە
2ـ یووسڤ خرتۆ
گوندێ (سندۆرا جوهیا):
ناڤێن (2) سەرۆكخێزانا یێن هاتینە نڤیسین:
1ـ ئەورۆ یەحیا
2ـ بنۆ مووشێ
بەرپەڕێ (5):
تمامەتییا ناڤێن سەرۆكخێزانێن (سندۆرا جوهیا)نن، كو دبنە: (7):
1ـ بنۆ مەنسوور
2ـ جمۆ ئیبراهیم
3ـ نەڤیێ ئیهۆ شلۆ
4ـ بنۆ شەلیم
5ـ یەهوودا كندۆ
6ـ خەمۆ مووشێ
7ـ شابە ڕۆنی
گوندێ (بابلۆ):
ناڤێن (3) سەرۆكخێزانا هاتینە نڤیسین:
1ـ حەسەن ئەحمەد
2ـ حەسەن ڕەشۆ
3ـ حەسەن سلیمان
گوندێ (كەمەكا):
تنێ ناڤێن (2) سەرۆكخێزانا یێن هاتینە نڤیسین:
1ـ تاها عەبدولكەریم
2ـ عەزۆ یەحیا
بەرپەڕێ (4) دوبارە:
گوندێ (مالتا فەلا):
تمامەتییا ناڤێن سەرۆكخێزانێن فەلە نە، كو دبنە (5) سەرۆكخێزان:
1ـ مەتی حەنا
2ـ مەتی قریاقۆس
3ـ پترس عودیشۆ
4ـ هرمز ئیلییا
5ـ سیفو حەنا
گوندێ (كێڤلا):
تنێ ناڤێ (1) سەرۆكخێزان یێ هاتییە نڤیسن:
1ـ جەمۆ محەمەد
گوندێ (سێجێ):
تنێ ناڤێ (1) سەرۆكخێزان یێ هاتییە نڤیسین:
1ـ ئیسحاق جەجۆ
بەرپەڕێ (5) دوبارە:
گوندێ (قەشەفرێ):
ناڤێن (4) سەرۆكخێزانا یێ هاتییە نڤیسین:
1- پترۆس حەنا
2ـ پترۆس مووسا
3ـ گۆرگیس تۆما
4ـ سەعدۆ جەجو
پ ـ گوندێ (زڕكا):
ناڤێن (4) سەرۆكخێزانا یێن هاتینە نڤیسین:
1ـ عەساف جندی
2ـ فەتاح ئیسماعیل
3ـ فەتاح محەمەد
4ـ فەتاح مستەفا
گوندێ (شاخكێ):
تنێ ناڤێ (1) سەرۆكخێزانێ یێ هاتییە نڤیسین:
1ـ تەمەر شەلال
بەرپەڕێ (6):
گوندێ (باجلۆرێ):
تنێ ناڤێن (2) سەرۆكخێزانێ یێن هاتینە نڤیسین:
5ـ شابە ئەمرومەولا
6ـ نعمەت محەمەد
گوندێ (سندۆرا موسلمانا):
1ـ عەبدی حوسێن ئەحمەد
2ـ عەبدی مالك
3ـ عەلۆ سەعدۆ
4ـ نعمەت مووسا
گوندێ (كەمەكا):
تنێ ناڤێ (1) سەرۆكخێزان یێ هاتییە نڤیسین:
1ـ تاها سەعدۆ
بەرپەرێ (7):
گوندێ (بادێ):
تنێ ناڤێن (2) سەرۆكخێزانا یێ هاتییە نڤیسین:
1ـ عەمەر سەعید
2ـ مستەفا نەعمان
گوندێ (بۆسریان):
ناڤێن (4) سەرۆكخێزانێ یێ هاتییە نڤیسین:
1ـ عەمەر محەمەد
2ـ عەبدوللا مووسا
3ـ عەبدوللا خالد
4ـ حەسۆ عەبدوللا
گوندێ (هاجسنێ):
ناڤێن (4) سەرۆكخێزانا یێن هاتییە نڤیسین:
1ـ صووفی ئیبراهیم عەلۆ
2ـ ئیبراهیم حەسەن
3ـ شەمۆ عەبدوللا
4ـ ئیبراهیم عەلی
بەرپەڕێ (6) دوبارە:
تمامەتییا ناڤێن سەرۆكخێزانێن گوندێ (هاجسنێ)؛ یێن هاتینە نڤیسین، كو دبنە (8) ناڤ:
1ـ ئەحمەد كمۆ
2ـ خەمۆ باپیر
3ـ نەڤیێ تاها محەمەد
4ـ ئیبراهیم شەهوان
5ـ عرفان نعمەت
6ـ مەلكۆ سۆ
7ـ سەیفەددین كتۆ
8ـ بیجۆ حوسین
گوندێ (گەڤەركێ):
تنێ ناڤێ (1) سەرۆكخێزان یێ هاتییە نڤیسین:
1ـ حەسۆ عەلی
گوندێ (بەرۆشكێ):
ناڤێن (2) سەرۆكخێزانا یێن هاتینە نڤیسین:
1ـ عەبدولرەحمان ئۆسمان
2ـ شێخ ئیبراهیم
بەرپەڕێ (7) دوبارە:
ناڤێن تمامەتییا سەرۆكخێزانێن گوندێ (بەرۆشكێ) یێن هاتینە نڤیسین:
1ـ ئیسماعیل یوونس
2ـ ئیسماعیل حوسین
3ـ نەبی میرزا
گوندێ (بێسرێ):
ناڤێن (6) سەرۆكخێزانا یێن هاتینە نڤیسین:
1ـ چەلەبی حەسەن
2ـ عەلی عەبدوللا
3ـ عەبدوللا حەسۆ
4ـ صافی فەتاح
5ـ صافی حوسین
6ـ سەیدۆ ئەحمەد
گوندێ (ئێتویتێ):
ناڤێن (4) سەرۆكخێزانا یێن هاتینە نڤیسین:
1ـ شەمسەددین عەبدوللا
2ـ عەلی ئەمین
3ـ عەرەب حەمەد
4ـ نەڤیێ ئۆسمان عەلی
بەرپەرێ (8):
گوندێ (سندۆرا جوهیا):
ناڤێن (6) سەرۆكخێزانا یێن هاتینە نڤیسن:
1ـ كوڕێ شەلۆمی
2ـ یۆحەنا مەتلۆیە
3ـ ناحۆم ئیبراهام
4ـ بەصلۆ ئیبراهام
5ـ كوڕێ حەمۆی
6ـ خەمۆ جەمۆ
گوندێ (ڕەشێورێ):
ناڤێن (3) سەرۆكخێزانا یێن هاتینە نڤیسین:
1ـ تاها سلیمان
2ـ تاها حەسەن
3ـ تاها ئەحمەد
بەرپەڕێ (9):
گوندێ (بێسرێ):
1ـ نەعمان یووسڤ
2ـ چەلەبی قاسم
3ـ نەڤیێ عەمەرێ عەمەر حەسەن
4ـ كوڕێ حەسەن محەمەد
گوندێ (ئێتویتێ):
ناڤێن (3) سەرۆكخێزانا یێن هاتینە نڤیسین:
1ـ محەمەد حەسەن سلیمان
2ـ حەسەن عەبدولرەحمان
3ـ عەبدولرەحمان سالح
گوندێ (مەمانێ):
ناڤێن (2) سەرۆكخێزانا یێن هاتینە نڤیسین:
1ـ فەتاح عەبدولرەحمان
2ـ فەتاح جانگیر
بەرپەڕێ (8) دوبارە:
ناڤی تمانەتییا سەرۆكخێزانێن گوندێ (مەمانێ) هاتییە:
3ـ خالد یوونس
د بن دا دیسا ناڤێ سەرۆكخێزانەکێ گوندێ (مەمانێ) هاتییە نڤیسین:
4ـ عەبدی عومەر
گوندێ (حەوشكێ):
تنێ ناڤێ (1) سەرۆكخێزان یێ هاتییە نڤیسین:
1ـ عەلی خدر
گوندێ (زاویتە):
ناڤێ (4) سەرۆكخێزانێن گوندێ (زاویتە)ی هاتییە نڤیسین:
1ـ شەرقی یووسڤ
2ـ سەلمان ئەبابەكر
3ـ حەمۆ حەیدەر
4ـ محەمەد سەلیم مەلا محەمەد
بەرپەڕێ (9) دوبارە:
گوندێ (ماسیكێ):
ناڤێ (1) سەرۆكخێزانێن گوندێ (ماسیكێ) هاتییە نڤیسین:
1ـ عەلی محەمەد
بەرپەڕێ (10):
تمامەتییا ناڤێن سەرۆكخێزانێن گوندێ (ماسیكێ) یێن هاتین، كو دبنە (6)، ئەو ژی ئەڤەنە:
2ـ تاها ئەحمەد
3ـ تاها محەمەد
4ـ مەلا زەنوون محەمەد
5ـ محەمەد فەتاح
6ـ محەمەد عەلی
7ـ تاها سالح
گوندێ (حەوشكێ):
تنێ ناڤێ (1) سەرۆكخێزان هاتییە نڤیسین:
1ـ یاسین حوسین
گوندێ (زاویتە):
تنێ ناڤێن (2) سەرۆكخێزانا هاتینە نڤیسین:
1ـ ئیسماعیل مووسا
2ـ حەسۆ عەلی
بەرپەڕێ (11):
تمامەتییا ناڤێن گوندێ (زاویتە)ی هاتینە نڤیسین:
3ـ سەمیان عەبدوللا
4ـ كۆسە یوونس مەحموود
5ـ مستەفا محەمەد
6ـ عومەر مشەختی
گوندێ (ماسیكێ):
ناڤێن (2) سەرۆكخێزانا هاتینە نڤیسین:
1ـ عەبدوللا مستەفا
2ـ عەبدوللا قاسم
2ـ گوندێن ئامار بۆ نەهاتییەكرن:
ناڤێن ژمارەیەکا گوندان یێن هاتینە نڤیسین؛ كو: (6) گوندن، (3) ژ وان ئەو گوندن یێن نوكە هەین و د ئاڤا، ژیان لـێ هەی و بەردەوام، كو دبنە: گوندێ (گەرماڤا)، گوندێ (ئێكمالە)، گوندێ (باكۆز)ێ و (3) گوندێن دی ناڤێن وان یێن هاتینە تۆماركرن، ئەو گوند نوكە ل سەر نەخشەیێ پارێزگەهـێ یێ جۆگرافی نینن و نەمانە، من چو جاران گوهـ ل ناڤێن وان نەبوویە، كو دبنە: گوندێ (مەردیكێ)، ل جهەکێ نڤیسیە یە: (ماردیكێ)*، گوندێ (عەلۆكان)**، گوندێ ((مەهركان))، ل دەمێ ئامارێ هەبوونە و د ئاڤابوونە، بەلـێ نوكە نەمانە؛ وەكی باژێرێ (نیشابوور)، ل ڕۆژئاڤایێ دهۆكێ، باكۆرێ گوندێ مالتایێ، یێ ژناڤچووی و هاتییە ژ بیركرن.
په‌ڕاوێز:
- ئەولیا چەلەبی ل بەهدینان، ڕاپۆرت، نزار ئەیووب گولـێ، مامۆستایێ پشكا مێژوو، زانكۆیا زاخۆ، بۆ من ڕه‌وانەكری یە؛ ل ڕۆاژا (7/1/2025)، بپ (13).
- ئەولیا چەلەبی ل بەهدینان، بپ 12ـ 13.
* مه‌رديكێ و مارديكێ: ل پشتا گوندێ (ئێمينكێ) كاڤله گونده‌ك هه‌يه دبێژنێ (مێردينكێ)(مه‌تين).
**عەلۆكان: دوير نينه گوندێ (ئالو)كان بيت(مه‌تين).
