ھارڤی مۆریس Harvey Morris

حەکیم عەبدوللا

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین.

پشتی رۆژنامەڤان و نڤێسەر ھارڤی مۆریس Harvey Morris، دەست ژ خواندنا زانکۆیێ بەردای، د رۆژنامەیێن ناڤخۆیی دا کارکر. پاشی گەھشتە ئاجانسا (رۆیتەرزReuters ) و ل سالا ١٩٧٩ێ مەزنە پەیامنێرێن وێ بوو ل تەھرانێ و ل سالا ١٩٨٠ێ ل بەیروتێ. ل دەمێ دامەزراندنا رۆژناما (ئێندیپێندنتThe Independent ) ل سالا ١٩٨٦ێ کار ل گەل کریە، ل بەراھیێ وەک ھاریکارێ سەرنڤێسەری بۆ کاروبارێن ژدەرڤە و پاشی نڤیسەر بۆ رۆژھەلاتا ناڤین. بۆ دەمێ پتر ژ چل سالان چەندین کارێن رۆمالکرنا شوڕەش و جەنگ و سیاسەت و دپلۆماسیەتێ ل رۆژھەلاتا ناڤین و ئەورۆپا و ئەفریقیا و ئەمریکا باکور و باشوور ئەنجامداینە.

پێکڤە ل گەل رۆژنامەڤانێ بەرنیاس (جۆن بلۆک John Bulloch) چەند پەرتۆک ل سەر رۆژھەلاتا ناڤین نڤێسینە وەک: (شەرێ سەدام: داگیرکرنا کوێتێ و بەرسڤا نێڤدەولەتی) و (شەرێ کەنداڤی: مێژوویا ھەڤڕکییا ل ناڤبەرا عێراق و ئیرانێ). ھەروەسا پێکڤە پەرتۆکا (No Friends But the Mountains: the Tragic History of the Kurds) نڤێسیە و ژ لایێ من ڤە ھایە وەرگێڕان بۆ سەر زمانێ عەرەبی ل بناڤونیشانێن (لا اصدقاء سوی الجبال: التاریخ الماساوی للکورد).و ل سالا ٢٠٠٩ێ، کۆڤارا (مەتین) چاپ و بەلاڤکرییە.

Check Also

دارکۆ روندەک Darko Rundek

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ …