تورد ڤالسترۆم Tord Wallström

بەرهەڤکرن: مەتین

وەک وەفادارییەک، (مەتین) دێ د هەر هژمارەکێ دا، ئێک ژ دۆستێن کوردان، بۆ خواندەڤانێن خۆ دەتە نیاسین. تورد ڤالستروم نڤیسه‌ر و رۆژنامه‌ڤانه‌كێ سویدی یه‌، ساڵا 1928ێ ژ دایك بوویه‌. هه‌ر ژ ساڵا 1989ێ ل وه‌ڵاتێ ئیرله‌ندا دژیت.

نڤیسینێن وى پتر د بیاڤێ گه‌ڕیانان دا نه‌، بزاڤێ دكه‌ت دنڤیسینێ دا شێوازه‌كێ ئه‌ده‌بی و هونه‌رى بگریته‌ به‌ر، ژ وان په‌رتووكێن وى نڤیسین و به‌لاڤكرین، گه‌له‌ك جاران باوه‌رنامه‌ وه‌رگرتینه‌ و هاتییه‌ خه‌لاتكرن. د ئینساكلۆپێدیا سویدى دا هاتییه‌ (په‌رتووكێن ڤالسترومى ل دۆر مالدویڤ بیاڤرا و كوردستانێ، شییان ڕایا گشتى ئاڤا بكه‌ن و كارتێكرن ل سیاسه‌تا ده‌ولى كرینه‌).

په‌رتووكا وى یا ب ناڤێ (مه‌ چ هه‌ڤاڵ نینن ژ بلى چیا)، ئه‌وا د قووناغا شۆڕه‌شا ئه‌یلولێ دا هاتییه‌ نڤیسین و به‌لاڤكرن، تورد د پێشگۆتنا وه‌رگێڕا وێ یا عه‌ره‌بی دا، دبێژیت: «هه‌ر ژ ده‌مێ ساڵا 1975ێ ئه‌ز ژ كوردستانێ زڤڕیم، بله‌ز من ریپۆرتاژێ خۆ یێ درێژ نڤیسى ب ئارمانجا راستى گۆتن و ئاشكراكرنا چه‌وانییا وێ ژیانا من دیتى و د ناڤ دا ژیایم، كو من ب ڤى كارى ڤیایه‌ پشكدارییێ د هشیاركرنا وژدانا جیهانێ دا بكه‌م».

تورد ڤالسترومى كۆمه‌كا په‌رتووكان چاپكرینه‌. په‌رتووكا وى یا ناڤبرى ل دۆر كوردان، ب زمانێ سویدى ل ساڵا 1975ێ چاپبوویه‌، ژ لایێ عه‌بدولسه‌لام نه‌عمان ڤه‌ بۆ زمانێ عه‌ره‌بی هاتییه‌ وه‌رگێڕان و ل ساڵا 1998ێ ل چاپخانا خه‌بات ل باژێرێ دهۆكێ هاتییه‌ چاپكرن. هه‌روه‌سا ژ لایێ حاته‌مى مینبه‌رى بۆ زمانێ كوردى هاتییه‌ وه‌رگێڕان و ژ لایێ ده‌زگه‌هێ ئاراس ڤه‌ هاتییه‌ چاپكرن.

بابەتێن گرێدای

ڤان بابەتان ببینە
Close